Клани Раҳмон ва кӯмаки башардӯстона

Клани Раҳмон ва кӯмаки башардӯстона

Дар интернет гузориши навори видеоӣ нашр шудааст, ки дар он набераи Президент Эмомалӣ Раҳмон Исмоил Маҳмадзоир дар шаҳри Душанбе, вилояти Суғд ва ВМКБ ба тақрибан 2000 оилаи ниёзманд, ятимон ва маъюбон кӯмаки ғизоӣ расонидааст. Кӯмак аз хӯрокворӣ ба монанди орд, шакар, биринҷ, равған иборат мебошад.

Дар гузориш Исмоил Маҳмадзоир «соҳибкори ватанӣ» номида шудааст. Ёдрас мекунем, ки қаблан расонаҳои давлатии Тоҷикистон иттилоъ дода буданд, ки бозори «Само» дар шаҳри Ҳисор, ки ба Маҳмадзоир Соҳибов тааллуқ дорад, ба духтурони шаҳри Ҳисор ва беморхонаи Истиқлол дар Душанбе 70 тонна кӯмаки ғизоӣ ҷудо кардааст ва домоди дигари президент Шамсулло Соҳибов (ҷияни Маҳмадзоир Соҳибов) 25  нақлиёти ёрирасонро барои беморхонаҳо дар вилояти Хатлон ҷудо намудааст. Инчунин, Озода Раҳмон, духтари дуюми раисҷумҳур ва роҳбари дастгоҳи президент, тибқи иттилои расонаҳои расмӣ, 100 кати хобӣ ва 100 маҷмааи хобиро ба беморхонаи ноҳияи Данғара интиқол додааст. Қаблан, дар бахши тоҷикии шабакаҳои иҷтимоӣ аксҳои якчанд мошинҳои боркаш гузошта шудааст, ки дар онҳо баннер бо навиштаҷоти кӯмаки башардӯстона аз ҷониби «поягузори миллат, Президент Эмомалӣ Раҳмон» гузошта шуда буд. Вале, дар айни замон, кӯмаки башардӯстонаи хориҷӣ дар ВАО ба таври васеъ инъикос нагардид.

Коршиносони аз вазъияти мавҷуда огоҳ буда қайд мекунанд, ки эҳтимолияти зиёд аст, ки тамоми кӯмакҳои башардӯстонае, ки аз номи президент, оилаи ӯ ва наздиконаш карда мешавад, ё кӯмакҳои башардӯстонае, ки ба Тоҷикистон аз кишварҳои мухталиф ва созмонҳои байналмилалӣ ворид шудааст ,ё ин ки он аз ҳисоби буҷаи давлат гирифта шудааст. Ба ақидаи коршиносон, бигзор бо гумони он, ки хешовандони Раҳмон пулро аз ҷайби худ сарф карда бошанд ҳам, ин маблағҳоро онҳо дар тӯли даҳсолаҳо инҷониб мардуми Тоҷикистонро  ғорат карда ба даст овардаанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.