Эмомалӣ Раҳмон тағирот ба Кодекси ҳуқуқвайронкунии маъмурии ҶТ-ро тасдиқ кард
Президенти Ҷумҳурии Тоҷикистон тағйиру иловаҳо ба Кодекси маъмурии Ҷумҳурии Тоҷикистонро, ки қаблан аз ҷониби ҳарду палатаи Парлумони Тоҷикистон қабул шуда буданд, ба имзо расонид.
Тибқи тағйироти қабулшуда, барои паҳн кардани маълумоти бардурӯғ тавассути ВАО — аз 580 сомонӣ барои шахсони воқеӣ ва то 11 ҳазору 600 сомонӣ барои шахсони ҳуқуқӣ ҷазо пешбинӣ шудааст.
Қаблан Кумитаи дифои журналистон (CPJ) аз президенти Тоҷикистон Эмомалӣ Раҳмон даъват кард, ки ин тағйиротро ба Кодекси ҳуқуқвайронкунии маъмурӣ имзо накунад. Дар изҳороти рӯзи чоршанбе кардаи CPJ қайд шудааст, ки дар тағиротҳо маълум нашудааст, ки кӣ ва чӣ гуна бояд дараҷаи эътимоднокии иттилоотро дар бораи коронавирус муайян карда мешавад.
Мушоҳидон бар он ақидаанд, ки ин тағирот баҳона барои паҳн кардани маълумоти бардурӯғ барои таъқиби фаъолон ва рӯзноманигорони мустақил табдил хоҳад ёфт ва минбаъд ин як баҳона барои сафед кардани амалҳои ғайриқонунии мақомоти Тоҷикистон хоҳад буд.
Гулноза Саид, ҳамоҳангсози барномаи CPJ дар Аврупо ва Осиёи Марказӣ бар ин назар аст, ки «тағирот ба Кодекси ҳуқуқвайронкунии маъмурии Тоҷикистон ба мақомот имкон медиҳад, ки бо баҳонаи мубориза алайҳи пандемия, сензураро дар ВАО мустаҳкам кунад».
«Президент Эмомалӣ Раҳмон ин тағйиротро набояд пазируфт, зарур аст ки фишор ба расонаҳо ва шабакаҳои иҷтимоӣ пешгирӣ карда шаванд» — илова намуд ӯ.
Тағиротҳо пас аз интишори онҳо дар расонаҳои давлатӣ эътибор пайдо хоҳанд кард.
