Мулоқоти вазирони мудофиаи кишварҳои СҲШ, ИДМ ва СПАД баргузор шуд
4-уми сентябр дар ноҳияи Кубинкаи наздикии Москва мулоқоти вазирони мудофиаи СҲШ, СПАД ва кишварҳои ИДМ баргузор гардид. Мулоқоти намояндагони ин се созмон бори аввал дар формати мазкур баргузор шуд.
Вазирони мудофиаи кишварҳои СҲШ, ИДМ ва СПАД ба созиш расиданд, ки ҳамкориҳоро дар мубориза бо терроризм тақвият диҳанд, иброз намуд пас аз мулоқот вазири дифои Русия Сергей Шойгу.
«Пешниҳод шуд, ки вазифаҳои муштарак оид ба мубориза алайҳи терроризм дар охири моҳи сентябр дар машқҳои стратегии фармондеҳии «Қафқоз-2020″ таҳия карда шаванд», гуфт Шойгу пас аз ҷаласаи вазирони дифоъи СҲШ, ИДМ ва СПАД. Чи тавре ки нашрияи «Коммерсант» иттило медиҳад, вазирон дар ин нишаст эъломияи муштараке қабул карданд, ки дар он қайд мешавад, мубориза бо терроризм ва экстремизми байналмилалӣ дар ҷои аввал боқӣ мемонад.
Дар изҳороти муштараки роҳбарони шӯъбаҳои мудофиаи кишварҳои СҲШ, ИДМ ва СПАД мубориза бо терроризм ва экстремизм дар ҷои аввал гузошта шудааст.
Қайд карда мешавад, ки ду кишвари ширкаткунандаи ин нишаст: Озарбойҷон (кишвари узви ИДМ) ва Ҳиндустон (кишвари нозир дар СҲШ) эълом доштанд, ки низомиёни ин кишварҳо дар машқҳои муштараки «Қафқоз-2020» ширкат нахоҳанд кард.
Ҷолиби диққат аст, ки ин формати мулоқот дар пасманзари рӯйдодҳои Беларус ва вазъи умумии ноустувори аксари кишварҳои иштирокчӣ баргузор мешавад.
