Дар Тоҷикистон эҳтимол аст пойгоҳи низомии Чин пайдо шавад

Дар Тоҷикистон эҳтимол аст пойгоҳи низомии Чин пайдо шавад

Чин Тоҷикистонро ҳамчун яке аз кишваре, ки барои истиқрори минбаъдаи пойгоҳҳои нави низомиаш мепиндорад, дар ин бора гузориши солонаи Вазорати дифои ИМА ба аъзои Конгресс зикр гардидааст.

«Чунин ба назар мерасад, ки Чин кишварҳои Мянма, Тайланд, Сингапур, Индонезия, Покистон, Шри-Ланка, Аморати Муттаҳидаи Араб, Кения, Ҷазираҳои Сейшел, Танзания, Ангола ва Тоҷикистонро ҳамчун макони таъсисоти низомии логистикии худ меомӯзад», — гуфта шудааст дар нусхаи ҳуҷҷати махфӣ набуда. Тавре ки аз гузориш бармеояд, коршиносони амрикоӣ чунин мешуморанд, ки ҳадафи Пекин хоҳиши як қудрати бонуфузи ҷаҳонӣ шудан бо роҳи васеъ кардани инфрасохтори асосии артиш ва флот дар хориҷа мебошад. Дар гузориш инчунин гуфта мешавад, ки Пекин нақша дорад дар 10 соли оянда захираи кулоҳакҳои ҳастаиро ду баробар афзоиш диҳад.

Мушоҳидон қайд мекунанд, ки чунин изҳороти Пентагон метавонад бо стратегияи сиёсии кунунии ИМА нисбати Чин рабт дошта бошад. Аммо эҳтимолияти истиқрори пойгоҳҳои низомии Чин дар Тоҷикистон бо дарназардошти таваҷҷӯҳи Чин ба минтақа, то ба ҳол аз тарҳҳои иқтисодӣ, ки Чин онҳоро дифоъ хоҳад кард, ва омодагии ҳокимони Осиёи Марказӣ ба коре барои нигоҳ доштани қудрат ва пур кардани ҳисобҳои шахсии оффшорияшон, ҳанӯз ҳам баланд аст. Инчунин фаромӯш набояд кард, ки шумораи муайяни низомиёни Чин аллакай дар кишвар ҳузур доранд.

Ёдрас мекунем, ки моҳи феврали соли 2019 дар ВАО хабар дар бораи ҳузури пойгоҳи низомии Чин дар қаламрави ноҳияи Мурғоби  ВМКБ, дар чанд километрии марз бо Чин пайдо шуд, ки инро аксҳои моҳвора собит мекунанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.