Дар Қирғизистон истеъфои президентро талаб доранд
Дар Қирғизистон сомонаи дархостии change.org баста шуд, ки онҷо муроҷиатҳои дастаҷамъонаи шаҳрвандони кишварҳои мухталиф ҷойгир карда шудааст. Истифодабарандагони сомонаҳои иҷтимоӣ гузориш медиҳанд, ки аксари операторони алоқаи мобилӣ дастрасии сомонаро бастаанд. Аз ҷумла 16-уми июл операторҳои MegaCom ва Beeline, инчунин провайдерҳои интернет Aknet ва Homeline дастрасӣ ба сайтро қатъ карданд. Ин пас аз он, ки вебсаҳифа ариза дар бораи истеъфои президент Сооронбай Жеенбековро нашр кардааст рух дод.
Хабарнигори Хабарҳо барои даровардани равшанӣ ба ҳодиса бо рӯзноманигори маъруф аз Қирғизистон Перизат Қирғизбоева сӯҳбат кард:
«Дар Қирғизистон вазъияти бад дар робита бо эпидемияи COVID-19 ба вуҷуд омадааст ва ин мустақиман ба амалҳои номатлуби мақомот рабт дорад. Дар ин замина, дар байни аҳолии кишвар норозигии зиёд ба вуҷуд омад, ки боиси пайдошавии муроҷиатнома оид ба оғози тартиби нобоварӣ ба президент гардид. Бастани сомона аз он шаҳодат медиҳад, ки мақомот аз рушди ин ташаббус, ки оқибат ба истеъфои президент оварда метавонад, метарсанд. Бо бастани ин сайт, ҳукумати кунунӣ дарак медиҳад, ки бо роҳи сулҳ иваз кардани ҳокимият имконнопазир мебошад. Ҳамин тариқ, ҳукумат метавонад аҳолиро ба усули маҷбурии тағир додани ҳукумат тела диҳад, алахусус аз он ки мардум дар ин кор таҷриба доранд. Зеро Қирғизистони муосир ду инқилобро аз сар гузаронидааст», — иброз намуд хабарнигор.
