Туркманистон: харидани китобҳои президент ҳатмист
Дар вилояти Лебапи Туркманистон, мақомот кормандони давлатиро маҷбур мекунанд, ки китоби ба қарибӣ нашршудаи президент Қурбонгулӣ Бердимуҳамедов «Асосҳои давлатдории туркманҳо» -ро бихаранд, менависад Азатлик. Зимнан, китобро танҳо дар чанд дӯкони китобфурӯшии маркази вилоят пайдо кардан мумкин аст.
4-уми сентябр телевизиони давлатӣ аз нашри китоби нави президент Қурбонгулӣ Бердимуҳаммадов хабар дод. Риоя накардани талаботи мазкур бо хиёнат ба ватан баробар дониста мешавад.
Арзиши расмии китоб то ҳол маълум нест. Тибқи баъзе маълумотҳо, арзиши китоб тақрибан 60 манат (17 доллари ИМА бо нархи давлатӣ) мебошад. Корманди яке аз корхонаҳои маҳаллӣ ба хабарнигорон гуфт, ки китоби нави президентро бо нархи мазкур харидорӣ намудааст.
Ёдрас мекунем, ки дар охири моҳи августи соли равон дар мағозаҳои давлатии ноҳияи Фарапи вилояти Лебап, сокинон дар баробари орд ва нон, маҷбур буданд, ки сурати президентро бо арзиши 20 манат (5,7 доллар бо нархи давлатӣ) бихаранд. Дар он вақт Азатлик хабар дода буд, ки харидорон аз тарси изҳори норозигии худ ба ин шарт розӣ шуданд, зеро кормандони милиса ва амнияти миллӣ дар атрофи мағоза истода назорат мекарданд.
