Шаҳрванди Қирғизистон барандаи маъруфи телевизионии Русияро маҷбур кард, ки узр бипурсад
Барандаи шабакаи MTV ва MuzTV Артур Цветков, ки бо тахаллуси Арчи маъруф аст, рӯзи 13 август ба фастфуди шаҳри Москва баргашт ва аз пешхизмати шаҳрванди Қирғизистон бо номи Манап узр пурсид, ки ду рӯз қабл ӯро таҳқир ва латукӯб кардааст.
Дар навори видео дида мешавад, ки Цветков бо Манап ва як пешхизмати дигар даст ба якдигар додаанд, ҳарду ҷониб изҳор намуданд, ки ин ҳодиса ба итмом расидааст.
Ёдрас мекунем, ки 11-уми август барандаи маъруфи телевизиони Русия дар яке аз қаҳвахонаҳои шаҳри Москва ҷанҷол кардааст. Пешхизмат аз Қирғизистон ба Цветков дар бораи нодуруст пӯшидани ниқоби якдафъагӣ ёдрас кард, сипас Цветков ба ӯ ҳамла кард. Муҳокима бо овози баланд ба ҷанҷол мубаддал гашт. «Аз Цветков хоҳиш намуданд, ки ниқобашро бипӯшад, дар навбати худ Цветков ба кормандони қаҳвахона дар ҳузури полис суханҳои қабеҳ гуфта, шаъну шарафи пешхизматро паст зад», изҳор намуд корманди қаҳвахона. Дар навори видеоӣ дида мешавад, ки Цветков шаҳрванди Қирғизистонро таҳқир мекунад ва бо депортатсия таҳдид мекунад. Аммо, бо сабаби инъикоси оммавӣ дар сегменти шабакаҳои иҷтимоӣ Қирғизистон, амали барандаи телевизион, чун одатан дар ҷиноятҳое, ки дар Русия алайҳи муҳоҷирони Осиёи Миёна содир карда мешаванд, беэътибор гузошта нашуд.
