Русия: Медведев пешниҳод кард, ки қоидаҳои вуруд ба муҳоҷирон тақвият дода шавад

Муовини раиси Шӯрои Амнияти Русия Дмитрий Медведев муҳоҷирони меҳнатии кишварҳои Осиёи Марказиро як манбаи парвариши ҷинояткорӣ номид. Ба гуфтаи Медведев, муҳоҷирони меҳнатӣ, ки бар асари пандемия дар Русия кори худро аз даст додаанд, дар ҷиноят осебпазир мебошанд, тақрибан 40%-и муҳоҷирон бинобар оқибатҳои пандемия бидуни ҷойи кор мондаанд. Дар ин робита, Медведев пешниҳод кард, ки муҳоҷироне, ки мехоҳанд вориди Русия шаванд, бояд «тасдиқи қатъии шуғли ӯ аз ҷониби корфармо гирифта шавад». Ҳамин тавр, Медведев пешниҳод намуд, ки воридоти муҳоҷирони Осиё ба бозори меҳнатии Русия сахттар карда шавад.

Аммо, коршиносон ин нуқтаи назарро тарафдорӣ намекунанд. Масалан, Александр Сафонов, ноиби ректори Донишгоҳи Молияи назди Ҳукумати Федератсияи Русия дар мусоҳиба бо kp.ru гуфт: «Бозори меҳнатии мо метавонад то 2,5 миллион нафарро аз даст диҳад. Ва онҳоро наметавонанд бо коргарони маҳаллӣ иваз кунанд. Муҳоҷирон дар ҷойҳое кор мекунанд, ки музди меҳнаташон паст буда, шароити вазнини меҳнатӣ ва тоқатнопазир мебошад. Илова бар ин аз онҳо итоати мутлақ талаб карда мешавад. Дар ниҳоят, ҳамаи ин ҳудуд дорад — тасодуф нест, ки корпартоиҳо барои таҳвили хӯрок дар Delivery Club ба амал омад. Новобаста аз он ки онҳо чӣ мегӯянд, аммо шаҳрванди Русия дар чунин шароит кор намекунад. Ҳоло ҳам, мо дар хадамоти шуғли аҳолӣ корҳое, ки муздаш кам аст дорем, тақрибан як миллион ҷои корӣ, аммо касе ба онҳо намеравад», — гуфт ӯ.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.