Русия: модари ду фарзанд аз Ӯзбекистон ба 8 соли зиндон маҳкум шуд
Дар Владивосток зодаи Ӯзбекистон Моҳигул Примова бо иттиҳоми кӯмак ба терроризм ба 8 соли зиндон маҳкум шуд. Ҳукми ин занро додгоҳи Владивосток баровардааст, ки ин зан тақрибан нӯҳ сол дар он ҷо зиндагӣ карда будааст, менависад рӯзномаи «Известия». Тибқи тафтишот, Моҳигул дар соли 2012 гӯё 90 ҳазор рубл ба «террористон» интиқол кардааст. Ду кӯдаки ноболиғи Моҳигул дар озодӣ бепарастор мондаанд.
Қаблан ҳимоятгар Марат Ашимов мусулмононро аз интиқоли маблағ ба шахсони алоҳида бо мақсади хайрия ҳушдор дод, зеро онҳо хавфи ба маблағгузории терроризм муттаҳам шудан қарор мегиранд. Вақтҳои охир дар Русия тибқи сенарияи монанд парвандаҳо оғоз карда мешаванд. Ба гуфтаи фаъолони ҳуқуқи башар, ин таҷриба барои хадамоти махсуси Русия дар нишон додани ҳисобот ва тақлид дар мубориза бо гӯён «терроризм» хеле қулай мебошад. Дар байни онҳое, ки бо сенарияи мазкур айбдор карда мешаванд, хабарнигори рӯзномаи Доғистонӣ «Черновик» Абдулмумин Гаҷиев ва соҳибкор Кемал Тамбиев низ ҳастанд, ки айбҳои ба онҳо пешниҳодшударо комилан рад мекунанд.
