Сергей Лавров ба Қирғизистон кӣ хоҷа аст ишора кард
Дар як нишасти матбуотие, ки рӯзи 23-уми октябр дар шаҳри Москва баргузор шуд, пас аз мулоқоти вазирони корҳои хориҷии Русия Сергей Лавров ва Руслан Казакбоеви Қирғизистон, Сергей Лавров ба саволҳои рӯзноманигори қирғиз аз оғози нишасти матбуотӣ бо каме озурда посух дод.
Вақте ки рӯзноманигори қирғиз ба вазираш саволе ба забони қирғизӣ дод ва ба тафсилоти савол даромад, косаи сабри Лавров пур шуд: «Маро бубахшед, лутфан,» норозӣ шуда изҳор намуд Лавров. «Шумо бояд соҳибонатонро эҳтиром кунед, хуб?» Сипас ӯ вобастагии мустамликавии Қирғизистон ба Русияро дар назар дошта илова кард: «Бо тамоми маъно».
Бояд қайд кард, ки Сергей Лавров дар нишастҳои матбуотӣ бо тундмизоҷӣ ва изҳороти дағалонааш машҳур мебошад.
Масалан, дар соли 2015 дар як нишасти матбуотӣ пас аз мулоқот бо ҳамтои саудияш, ӯ нисбати рӯзноманигорон ғазаб карда гуфт: «аблаҳон б…».
Ёдрас мекунем, ки минтақаи ягонаи Осиёи Миёна ки номи пештарааш Туркистон буд аз ҷониби Русияи подшоҳӣ дар нимаи дуюми асри 19 мустамлика карда шуд ва ишғолшавӣ бо шадидтарин саркӯбии муқовимати сокинони ин минтақа ҳамроҳ шуда буд. Пас аз ба сари қудрат омадани коммунистон дар Русия, онҳо Осиёи Миёнаро ба ҷумҳуриҳои иттифоқии дохили ИҶШС тақсим карда, Туркистони Шарқиро ба Чин супорид. Имрӯз, сарфи назар аз он ки кишварҳои мазкур пас аз пошхӯрии Иттиҳоди Шӯравӣ истиқлолияти расмиро ба даст оварданд, Осиёи Марказӣ, ки ба панҷ ҷумҳурӣ тақсим шудааст, ҳанӯз ҳам дар тобеияти мустамликавии Русия қарор доранд, ки онро асосан тавассути диктаторони фасодзадаи таъинкардаи худ нигоҳ медоранд.
