Коронавирус дар Тоҷикистон

Коронавирус дар Тоҷикистон

Сиёсатшиноси маъруфи тоҷик Парвиз Муллаҷонов дар бораи мавҷудияти сирояти коронавирус дар Тоҷикистон изҳороти муҳим кард, дар ин хусус ӯ дар саҳифаи Фейсбуки худ навиштааст.

Коршинос менависад, ки маълумоте, ки дар кишвар ягон шахси сироятёфта мавҷуд нест, шубҳанок мебошад. «Аз нуқтаи назари мантиқ ва ақли солим ин боварибахш ва боэътимод намебошад. Қабл аз ҳама, Тоҷикистон мисли баъзе ҳамсоя кишварҳои худ кишвари пӯшида нест. Бо сатҳи феълии муҳоҷирати меҳнатӣ, ҳаҷми интиқоли мусофирон ҳамеша баланд буд. Кишвар марзҳояшро тақрибан дар як вақт бо ҳамсояҳои худ баст», мегӯяд сиёсатшинос.

Дар бораи сабабҳои эҳтимолии вусъати сироятшавиро пинҳон доштани мақомоти кишвар Муллоҷонов мегӯяд: «Ба назари ман, инҷо чанд сабаби эҳтимолӣ вуҷуд дорад. Якум, ҷанбаи иқтисодӣ. Мақомоти тоҷик воқеъбинона ҳарос доранд, ки роҳандозии карантин соҳибкории хурд ва миёнаро, ки феълан дар вазъи на чандон хуб аст, нобуд мекунад. Дуюм, мақомот аз таҳлука тарс дорад, ки баъд аз эътирофи расмии вуҷуди пандемия дар кишвар сар хоҳад зад. Чунин ҳолат дар охири моҳи феврал баъд аз бастани марзҳо рух дода буд. Он замон мардум дар ҳарос афтода, маводи хӯрокворӣ хариданд, ки боис ба болоравии нархҳо дар бозорҳо шуд. Сеюм, эҳтимол дорад мақомот ба ин боваранд, ки ин мушкили паси сар мешавад ва мӯҳлати хуруҷи коронавирус дар кишварро ба дарозо кашонд. Шояд мантиқи коршиносони ҳукуматӣ ба ин тартиб аст: беш аз 70 дарсади аҳолии кишвар ҷавон ҳастанд ва барои онҳо пандемия камтаъсир хоҳад буд, дар ин росто фавти насли калонсол чандон чашмрас наменамояд — дар оянда бошад ба пайдо шудани масуният ё иммунитети ом метавон умед баст. Чорум, метавон дар бораи заминаҳои сиёсӣ низ ҳадс зад – дар шароити омодагӣ ба интихоботи президентӣ роҳандозии карантини шадид ва муфлис сохтани соҳибкории хурд ояндаи хушоянд нест.

Ёдрас мекунем, ки то ба имрӯз мақомоти Тоҷикистон далели ошкор кардани сироятёфтагон бо вируси COVID-19 дар кишварро рад мекунанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.