Alibaba дар наслкушии уйғурҳо иштирок дорад
Ширкати технологии чинӣ Alibaba дар ҷиноятҳое, ки мақомоти истилогари Чин алайҳи уйғурҳо содир кардаанд, иштирок дорад. Дар ВАО маълумоте пайдо шудааст, ки хидматҳои ширкати Alibaba дар видео ва аксҳо шинохтани чеҳраи уйғурҳо ва ақаллиятҳои дигари этникӣ мусоидат мекунад. Дар сомонаи бахши хизматрасонии абрии Alibaba баённомае барои муштариёни корпоративӣ нисбати он, ки чӣ гуна таъминоти барномавии ширкат метавонад чеҳраи уйғурро дар платформаҳои расонавӣ шинохта мекунад пайдо гардид, дар ин хусус IslamNews бо истинод ба Japan Times иттило медиҳад. Ҳанӯз маълум нест, ки чӣ гуна муштариёни Alibaba ин воситаро барои шинохтани ақаллиятҳо истифода кардаанд, аммо ҳомиёни ҳуқуқ қайд мекунанд, ки чунин хусусиятҳои таъминоти барномавӣ имкон медиҳад видео ва аксҳо барои назорати махсус ба хадамоти ҷосусии Чин сабт карда шаванд. Дар офиси ширкат аз шарҳи хизматрасонии шиносоии чеҳраи мусулмонони уйғур худдорӣ карданд.
Ёдрас мекунем, ки дар қаламрави забтшудаи Туркистони Шарқӣ (ҶМШУ) мақомоти Чин аз нобуд сохтани айнияти уйғурҳои мусулмон даст намекашад, миллионҳо нафари онҳоро дар қаламрави ба ном «Лагерҳои тарбиявӣ» зиндонӣ карданд, издивоҷи иҷбории духтарони уйғур ба чиниҳо ва усулҳои дигар, ки бераҳмии онҳо ҳайратоваранд идома ёфта истодааст.
