Овозхони ӯзбек бо сабаби дини ислом аз шоу бизнес даст кашид
Рӯзи 10 декабр овозхони маъруфи 42-солаи Ӯзбекистон Ҷаҳонгир Отаҷонов дар саҳифаи «Instagram»-и худ эълон кардааст, ки «касби овозхониашро ба охир мерасонад, зеро он хилофи ислом аст», иттило медиҳад Радиои Озодлик.
Овозхони маъруф дар паёми видеоии худ дар бораи қарори душвори худ нақл мекунад, ки дар ду соли охир роҳи тайкардааш ӯро хеле азоб додааст, зеро касбаш ба арзишҳои исломӣ мухолиф мебошад.
Ӯ инчунин изҳор дошт, ки минбаъд сурудхониро қатъ мекунад ва аз шунавандагонаш даъват кард, ки тамоми сурудҳои ӯро аз телефон ва компютерҳояшон дур бикунанд.
Сароянда дар назди мадрасаи Кукелдаш дар Тошканд истода, чунин гуфт:
“Бисмиллаҳир Роҳманир Роҳим. Ассалому алейкум дӯстони азиз. Ниҳоят, Иншоаллоҳ, бо хости Аллоҳ, фикр мекунам, ки дар ин дақиқаҳо ба саволҳое посух ёфтам, ки ду сол маро азоб додаанд. Ман шоу-бизнесро тарк мекунам, касбам, ки дӯсташ медоштам, маро ба чунин дараҷа расонид. Бо кӯмаки ин касб ман эҳтироми халқамро ба даст овардам ва акнун тасмим гирифтам, ки ба хотири Аллоҳ аз сабаби он, ки ба шариати мо мувофиқат намекунад, онро тарк кунам. Ман ба мухлисонам ташаккур мегӯям, ки солҳои тӯлонӣ сурудҳои маро гӯш карда, маро кафкӯбӣ карданд. Ташаккур барои таваҷҷӯҳ ва эҳтироми шумо. Аллоҳ аз ҳамаи шумо рози бошад. Инчунин ба дӯстон ва ҳамватанонамон, ки аз ман ва кори саҳнагии ман норозӣ буданд, саломатии комил мехоҳам. Аз онҳо хоҳиш мекунам, ки маро бубахшанд. Аллоҳ аз ҳамаи шумо рози бошад. Саломат бошед. Лутфан дар бораи касби мусиқии ман дигар бо ман тамос нагиранд».
