Генерали рус Осиёи Миёнаро дубора бо афғонҳо метарсонад
Низомиёни Русия дубора вазъро дар минтақаи марзии Афғонистон ва Тоҷикистон ороиш дода мегӯянд, ки таҳдиди тахайюлии ҳамлаи ҷангиён аз Афғонистон ба кишварҳои Осиёи Марказӣ вуҷуд дорад. Ин изҳорот дар режими видеоконфронси Созмони Паймони Амнияти Дастҷамъӣ дар Вазорати мудофиаи Тоҷикистон аз ҷониби сардори ситоди муштараки Созмони Паймони Амнияти Дастҷамъӣ генерал-полковник Анатолий Сидоров садо дод.
Ба гуфтаи Сидоров, теъдоди зиёди ҷангиён дар манотиқи марзӣ ҷамъ омадаанд ва гӯё қасди ҳамла ба минтақаро доранд. «Онҳо кӯшиш доранд назорати минтақаҳои ҳаммарз бо Тоҷикистон ва Покистонро ба роҳ монанд, то барои тавсеаи минбаъдаи кишварҳои Осиёи Марказӣ платсдарм муҳайё гардад», хулоса кард полковник. Дар натиҷаи видеоконфронс, генерал-полковники Русия даъват аз он намуд, ки ҳифзи ҳузури низомиёни хориҷӣ дар кишварҳои минтақа идома ёбад.
Бояд зикр кард, ки мушкилоти Афғонистонро Русия барои идомаи ҳузури низомии худ дар минтақа бо баҳонаи мавҷудияти таҳдиди гурӯҳҳои низомӣ истифода мебарад.
Коршиносон борҳо изҳори назар кардаанд, ки агар таҳдиди ҳамла ба кишварҳои Осиёи Марказӣ аз қаламрави Афғонистон вуҷуд дошта бошад, пас ин ба аҳамият сазовор нест, зеро гурӯҳҳои низомӣ барои ин нерӯи кофии низомӣ надоранд.
