Муаллимони рус ба Ӯзбекистон ташриф оварданд

Муаллимони рус ба Ӯзбекистон ташриф оварданд

2-уми марти соли ҷорӣ гурӯҳи сеюми омӯзгорони забони русӣ барои кор дар мактабҳои маҳаллӣ ба Ӯзбекистон ташриф оварданд.  Шумораи умумии мутахассисони рус, ки ҳоло дар доираи лоиҳаи гуманитарии «Класс» забони русиро таълим медиҳанд, 100 нафар хоҳад буд, хабар медиҳад хадамоти матбуотии Вазорати маорифи Русия.

Лоиҳаи «Класс!»  ки аз ҷониби Вазорати маорифи Русия дар якҷоягӣ бо Вазорати маорифи халқии Ҷумҳурии Ӯзбекистон ва фонди хайрияи «Илм, санъат ва варзиш» аз соли 2020 ҷорӣ карда мешавад.

Шумораи омӯзгорони рус, ки дар мактабҳои Ӯзбекистон фаолият мекунанд, ба 1000 нафар расонидан дар назар дошта шудааст. Дар ин бора намояндаи Вазорати корҳои хориҷии Русия Мария Захарова моҳи октябри соли 2020 дар брифинг изҳор дошт.

Захарова қайд кард, ки маблағҳои лоиҳа аз буҷаи федералии Русия ҷудо карда мешаванд.  Қисми ин маблағро ҷониби Ӯзбекистон ва сарпарастон бар ӯҳда доранд.

Бояд қайд намуд, ки дар тӯли чанд соли охир Русия лоиҳаҳои фарҳангӣ ва маърифатии худро ба кишварҳои Осиёи Марказӣ фаъолона ҷорӣ мекунад: чунин лоиҳаҳо аз соли 2017 дар Тоҷикистон ва аз соли 2019 дар Қирғизистон амалӣ мегарданд. Коршиносон қайд мекунанд, ки ҳадафи аслии татбиқи ин лоиҳаҳо истилои фарҳангӣ ва сиёсии Русия дар кишварҳои Осиёи Марказӣ барои татбиқи нақшаҳои мустамликавӣ дар ин минтақаҳо мебошад.

Таҳририяти «Хабарҳо» барои шарҳи хабар ба сиёсатмадори маъруфи мухолифи Ӯзбекистон, устод Намоз Нормӯъмин муроҷиат намуд. «Гарчанде ки кишварҳои Осиёи Марказӣ дар тӯли 30 сол мустақил ҳисобида мешуданд, аммо то ҳол натавонистанд аз таъсири Русия раҳоӣ ёбанд. Масалан, ба мисли кишварҳои Балтика.  Аз 15 кишварҳои собиқи шӯравӣ, Латвия, Литва ва Эстония, Гурҷистон, Украина ва ҳоло кишвари шашум Молдова, аз нуфузи Русия дур шудаанд, аммо 9 ҷумҳурии боқимонда ҳанӯз ҳам сахт ба Русия вобастаанд.  Беларуссия, Арманистон, Озарбойҷон ва кишварҳои Осиёи Марказӣ, инҳо Ӯзбекистон, Тоҷикистон, Қирғизистон, Туркманистон ва Қазоқистон мебошанд — ин ҳама кишварҳо дар соҳаи таъсири геополитикии Русия қарор доранд.

Соли 2016 президенти Ӯзбекистон иваз шуд.  Пас аз марги диктатор Каримов ва ба сари қудрат омадани Мирзиёев, наздикшавӣ бо Русия оғоз ёфт. Дар давраи Каримов муносибатҳо бо Русия чандон наздик набуданд.  Ин наздикшавӣ аз бисёр ҷиҳатҳо ба таври возеҳ мушоҳида мешавад: масалан, Ӯзбекистон дар Иттиҳоди Иқтисодии АвруОсиё нозир шуд ва дар ояндаи наздик метавонад узви он гардад. Ин Иттиҳод на танҳо иттиҳоди иқтисодӣ аст, балки ҷанбаҳои сиёсӣ низ дорад, аммо дар ин бора касе ҳарф намезанад.  Русия беш аз ҳама кӯшиш мекунад, ки нуфузи худро дар кишварҳои Осиёи Марказӣ маҳз тавассути ҷорӣ намудани забони русӣ ва инчунин тавассути дигар василаҳои сиёсӣ ва иқтисодӣ тақвият диҳад», — гуфт сиёсатмадор.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.