Саломатии Иззат Амон зери таҳдид мебошад
Хешовандон ва дӯстони ҳимоятгари ҳуқуқи башари тоҷик Иззат Амон, ки дар боздоштгоҳи Душанбе қарор дорад, хабар доданд, ки вазъи саломатии ӯ бадтар мешавад. Писари фаъоли ҳуқуқи башар Муҳаммадюсуф Холов дар мусоҳиба бо Радиои Озодӣ изҳор намуд, ки падари ӯ чанде пеш ба коронавирус гирифтор шуда, дар яке аз беморхонаҳои шаҳри Москва бистарӣ шудааст. Пас аз ҷавоб шудан, ӯ ҳанӯз давраи барқароршавиро тай карда натавонист.
Қаблан, 30 март Муҳаммадюсуф Холов, пас аз мулоқот бо падараш дар яке аз боздоштгоҳҳои муваққатии пойтахт ба хабарнигорон гуфт, ки намояндагони Вазорати корҳои дохилии Тоҷикистон ваъда додаанд, ки падари ӯро пас аз ҷуброни зарари моддии гӯё ба онҳо расонидашуда раҳоӣ хоҳанд кард. Аз он лаҳза зиёда аз 10 рӯз гузашт, ки Иззат Амон ҳанӯз дар боздоштгоҳ қарор дорад.
Ёдрас мекунем, ки аввалин паёмҳо дар бораи нопадид шудани Иззат Амон дар Москва рӯзи 25 март дар шабакаҳои иҷтимоӣ пайдо шуданд. Рӯзи 26 март Вазорати корҳои дохилии Тоҷикистон дар сомонаи худ нашр карданд, ки фаоли ҳуқуқи башар бо иттиҳоми қаллобӣ мавриди ҷустуҷӯ қарор дорад. Рӯзи 27 март маъмурони интизомии Тоҷикистон аз боздошти Иззат Амон дар фурудгоҳи Душанбе хабар доданд. Ин боиси тӯфони хашм ва норозигӣ дар байни шаҳрвандони дар муҳоҷирати меҳнатӣ қарор дошта ва ҳам шаҳрвандони дохили кишвар гардид. Мардум ба интишори паёмҳои видеоӣ шурӯъ карданд, ки фавран раҳоӣ кардани Иззат Амонро талаб мекарданд. Дар посух режими Раҳмон дар шабакаҳои иҷтимоӣ як навъ флешмоби интиқомиро бо паёмҳои видеоӣ аз ҷониби ашхоси шикояткунанда аз Иззат Амон ба ҷиноятҳои гуногун муттаҳам кард. Рӯзноманигорон фавран таваҷҷӯҳро ба табиати сохта будани ин видеоҳо ҷалб карданд.
Коршиносон қайд мекунанд, ки режими Тоҷикистон чунин вокуниши хашмгинии мардумро барои ҳимоятгари ҳуқуқи башар интизор набуд, зеро ин бори аввал нест, ки фаъолони сиёсӣ ё танқидкунандагони режим дар Русия нопадид шуда ва баъдан дар зиндонҳои Тоҷикистон пайдо мешаванд, аммо то ба ҳол чунин вокуниш аз ҷониби ҷомеа дар Тоҷикистон ба назар нарасидааст.
Ба таҳририяти «Хабарҳо» аз як манбаи наздик ба мақомоти амниятии Тоҷикистон хабар доданд, ки тайи 2-3 моҳи охир мақомоти ҳифзи ҳуқуқ дар кишвар ба як навъ «шикор» машғуланд — беш аз ҳазор нафар, ки дар байни онҳо асосан ҷавонони дорои эҳсосоти мухолиф ҳастанд, аз кирдори кормандони Вазорати корҳои дохилӣ ва КДАМ зарар дидаанд. Касоне, ки бо режими кунунӣ розӣ нестанд, ба муассисаҳои сохторҳои номбурда даъват карда мешаванд ё маҷбуран бурда мешаванд, онҳо бо вайронкунии дағалонаи меъёрҳои мурофиавӣ пурсида мешаванд, маълумотҳои дар смартфонҳо бударо аз назар мегузаронанд, бо ҷавобгарии ҷиноятӣ таҳдид мекунанд, дар баъзе ҳолатҳо латукӯб ва баъзан аз хешовандони дастгиршудагон бар ивази озодӣ пул меситонанд.
