Модарони исёнгарон ба Эмомалӣ Раҳмон муроҷиат намуданд

Модарони исёнгарон ба Эмомалӣ Раҳмон муроҷиат намуданд

Як гурӯҳ модарони маҳкумшудагоне, ки дар исёни колонияи низомаш сахти рақами 3/3 шаҳри Хуҷанд гумонбар дониста мешаванд, ба раисҷумҳури Тоҷикистон Эмомалӣ Раҳмон, инчунин ба раиси Додгоҳи олӣ ва ба прокурори генералии кишвар муроҷиат намуданд, ки барои холисона дида баромадани парвандаҳои ҷиноии нав, ки нисбати фарзандонашон оғоз шудааст кӯмак намоянд. Ҷараёни судӣ оиди парвандаи мазкур дар пушти дарҳои баста баргузор мегардад.

Моро ба толори ҷараёни суд роҳ надоданд. Намедонам писарам дар чи ҳол аст, оё ҳуқуқҳои ӯ риоя карда мешавад? Мо бояд дилпур шавем, ки ҷараёни судӣ беғаразона мегузарад. Охир ман модар ҳастам ва ба тақдири писарам беэътино шуда наметавонам, — мегӯяд Мақсуда Содиқова дар мусоҳиба ба хабарнигори радиои Озодӣ.

Мӯъҷиза Шомуродова, модари дигари маҳкумшуда Сафронуддин Шомуродов, ки ба мӯҳлати 14 сол барои экстремизм аз озодӣ маҳрум шудааст, мегӯяд барои вохӯрӣ бо писарам иҷозат мепурсам. Ба ман иҷозат надоданд, ки бо худаш ҳамсӯҳбат шавам. Мехоҳам худаш ба ман нақл намояд, ки ҳамаи ин ҳодиса аз чи оғоз гардид, чаро нисбати ӯ парвандаи нави ҷиноӣ оғоз намуданд. Тибқи гуфтаҳои Шомуродова, писараш солҳои дароз дар Русия кору фаъолият кардааст, сипас ба Туркия гузаштааст. Ҳукумат ба мо гуфтанд: Бигзор ба ватан баргардад, ӯро авф мекунанд. Вале, пас аз он ки ба ватан баргашт, ӯро дарҳол дастгир карданд, — мегӯяд Шомуродова.

Дар мизи судшавандагон зиёда аз 30 нафар маҳкумшудагони дар муассисаи ислоҳӣ адои ҷазо карда истода қарор доштанд. Тибқи иттилои ҳукумат дар вақти исён 21 нафар маҳкумшудагон ҷон бохтанд. Дар айни замон манбаъҳои мустақили дигар дар хусуси на кам аз 53 нафар кушташуда ва 186 нафар захмишудагон иттило дода буданд. Тибқи нақли расмии режим дар фоҷиаи шуда гузашта, маҳкумшудагоне, ки бар асоси дин маҳбаси ҳастанд, ки бо ташкилоти ДАИШ алоқа доштанд айбдор мебошанд.

Вале мушоҳидон қайд намудаанд, ки режим бо мақсади пинҳон намудани сабабҳои аслии ҳодиса ва вайронкунии ҳуқуқҳои маҳкумшудагон дар ҷойҳои маҳрумият аз озодӣ ба ҷомеа чунин нақлро пешниҳод намуд, ки гӯё дар ин ҳодиса пайҳои исломӣ вуҷуд дорад. Бо ин режими кунунӣ маҳкумшудагонро ҳамчун «зоғи сиёҳ» интихоб намуд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.