Раҳмони — ду карат қаҳрамон
Пешниҳоди бори дуввум ба Эмомалӣ Раҳмон додани унвони Қаҳрамони Тоҷикистон аз ҷониби иштирокчиёни конфронси илмӣ-амалӣ дар мавзӯи «Таҷрибаи оштии тоҷикон ва масъалаҳои таъмини суботи сиёсӣ дар ҷаҳони муосир», ки 22 июн дар Донишгоҳи давлатии Хуҷанд баргузор гардид. Дар ин конфронс раиси вилояти Суғд Раҷаббой Аҳмадзода низ ширкат дошт, хабар медиҳад маркази матбуъотии раиси вилоят.
«Бо дарназардошти хизматҳои барҷастаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон дар барқарорсозии сохти конститутсионӣ, бунёди сохти нави давлатӣ, нақши бузурги ӯ дар бунёди давлати соҳибистиқлол, демократӣ, ҳуқуқбунёд ва дунявӣ, ба даст овардани сулҳу ваҳдати миллӣ, амалӣ намудани вазифаҳои стратегии кишвар, барои таъмини ваҳдати Тоҷикистони соҳибистиқлол ва расидан ба орзуи ҳазорсолаи мардум аз мақомоти олии қонунгузории кишвар бори дуюм хоҳиш мекунем, ки ба Президенти кишвар, муҳтарам Эмомалӣ Раҳмон, унвони олии Ватан – «Қаҳрамони Тоҷикистон» дода шавад, гуфта мешавад дар муроҷиат.
Ин бори аввал нест, ки ба раисиҷумҳур дубора унвони «Қаҳрамони Тоҷикистон» пешниҳод мешавад. Ҳанӯз соли 2019 ҷавонони шаҳри Кӯлобу Турсунзода бо чунин пешниҳод ба парлумон ва ҳукумат муроҷиат карда буданд. Илова бар ин, ӯро борҳо кӯшиш карданд ба ҷоизаи сулҳи Нобел пешбарӣ намоянд.
