Муҳоҷирон дар Русия: хабаркашӣ, ё ин ки депортатсия

Муҳоҷирони меҳнатӣ аз Осиёи Марказӣ дар Русия бо мушкилот рӯбарӯ гаштанд. Акнун кормандони ФСБ аз онҳо талаб доранд, ки аз болои ҳамдиёрони худ хабаркашӣ намоянд.

Шаҳрванди Тоҷикистон Ширинҷон Қаландаровро дар истгоҳи метро ду марди номаълум бо либоси шаҳрвандӣ боздошт намуданд. Онҳо худро ҳамчун кормандони ФСБ — и Русия муаррифӣ намуда, ҳуҷҷатҳо ва телефони мобилии ӯро дида баромаданд. «Ҳуҷҷатҳоям камбудӣ надошт ва аз телефонам ягон чизи криминалӣ дарёфт нагардид. Пас аз ин онҳо маро ба як кунҷ бурда, рақами телефониамро нависта гирифта ба ман гуфтанд, ки минбаъд ман ба онҳо дар хусуси муҳоҷирони ҳамдиёри шубҳанок хабаркашӣ кунам. Хабаркашӣ куни пул мегири гуфтанд онҳо. Вақте, ки ман рад намудам, онҳо ба таҳдидкунӣ гузаштанд ва ба ман як ҳафта мӯҳлат доданд, то ин ки дар хусуси таклифашон фикр кунам», гуфт Ширинҷон.

Вақте ки шаб ӯ ба ҳамдиёронаш оиди ҳолати шуда гузашта нақл намуд, маълум гардид, ки на танҳо ба ӯ таклифи зерин дода шудааст.

Раиси ташкилоти «Этмос» дар шаҳри Маскав Каримҷон Ёров мегӯяд, ки касоне, ки ба таклифи кормандони ФСБ оиди хабаркашӣ аз болои ҳамдиёронаш рад мекунад, онҳо ба муҳоҷирон бо депортатсия таҳдид менамоянд. «Таи чанд рӯзи ахир 8 муҳоҷир аз Тоҷикистон бо чунин таҳдид аз тарафи кормандони ФСБ ба ман нақл намуд. Хусусан ба мо барои кӯмаки ҳуқуқӣ намудан шаҳрванди Тоҷикистон муроҷиат намуд, ки ба наздики аз шаҳри Тула ба Маскав гузашта омадааст. Кормандони ФСБ ба ӯ ҳамкорӣ карданро таклиф намудаанд. Ӯ ин таклифро рад кардааст. Ҳоло бошад ба ӯ депортатсия шудан аз Русия таҳдид шуда истодааст, ҳол он ки ҳуҷҷатҳояш камбудӣ надорад. Мо ба додгоҳ муроҷиат кардем, то ин ки дар чорчӯбаи қонун масъалаи зерин матраҳ шавад», гуфт Ёров.

Ба ақидаи коршиносон ҷалбкунии муҳоҷирон аз тарафи хадамотҳои махсуси Русия кайҳо боз амалӣ гардонида мешавад, вале пас аз дастгиршавии як гурӯҳи муҳоҷирон санаи 14-уми август, ки гӯё дар ташкили таркишҳо дар минтақаи шаҳри Маскав гумонбаранд, ҷалбкунии муҳоҷирон хеле афзудааст.

Ёдрас мекунем, ки санаи 14-уми август бо айби бофташуда, як гурӯҳи шахсон барои ташкил намудани таркишҳо дастгир шудаанд, ки се нафари онҳо Сиёвуши Давронзода, Давлатёр Ҳоҷиев ва Сулаймон Бурҳонов шаҳрванди Тоҷикистон мебошанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.