Мақомоти тоҷик мушкилеро дар “фирори зеҳнҳо” намебинад
Мақомоти Тоҷикистон изҳор доштанд, ки тамоюли ба истилоҳ «фирори зеҳнҳо» ба кишвар хатаре надорад. Дар ин бора рӯзи 28 июл дар як нишасти матбуоти мудири Маркази тадқиқоти стратегии назди президенти Тоҷикистон Хайриддин Усмонзода дар шарҳи оиди гирифтани шаҳрвандии Русия аз ҷониби тоҷикон изҳори назар кард.
Ба гуфтаи Усмонзода, хуруҷи насли наврас аз кишвар ва гирифтани шаҳрвандии кишвари дигар ба ҷуз риояи принсипи озодӣ ва ҳуқуқи шаҳрвандон дар кишвар чизе дигар нест. «Ин аз он шаҳодат медиҳад, ки дар Тоҷикистон принсипи озодӣ ва ҳуқуқи шаҳрвандон риоя мешаванд. Ин вазъ наметавонад оқибатҳои ногувор ба бор орад ва ба ояндаи Тоҷикистон таҳдид намекунад”, — гуфт ӯ. Ба гуфтаи ӯ, қабули шаҳрвандии Русия аз ҷониби зодагони Тоҷикистон наметавонад барои рушди иқтисодӣ ва иҷтимоии кишвар монеа эҷод кунад.
Ёдрас мекунем, ки тибқи маълумоти Вазорати маориф ва тандурустии Тоҷикистон, дар Тоҷикистон 3400 омӯзгор, 2960 табиб ва 1340 нафар ҳамшираҳо норасои вуҷуд дорад. Сабаби нарасидани кадрҳо дар вазоратҳо чунин шарҳ дода шуд, ки мутахассисон барои иқомати доимӣ ба Русия рафтанро авлотар медонанд.
«Қабули шаҳрвандии Русия аз ҷониби зодагони Тоҷикистон дар асоси созишномаи дуҷониба сурат мегирад. Дар ҳамин замина русҳо низ шаҳрвандии Тоҷикистонро мегиранд”, — гуфт Усмонзода. Дар ҳамин ҳол раиси Маркази Таҳқиқоти Стратегӣ теъдоди русҳоеро, ки шаҳрвандии Тоҷикистонро гирифтаанд, мушаххас кард.
Коршиносон тамоюли хуруҷи мутахассисонро ба чанд омил марбут медонанд. Пеш аз ҳама, ин вазъи иқтисодӣ, ки рӯз аз рӯз бадтар мешавад, кори каммузд, беоқибати рушд дар касб ва албатта сатҳи баланди коррупсия аст. Вазъияти дохилии сиёсӣ низ нақши муҳим дорад, имрӯз барои интиқоди ҳукуматдорон шахс метавонад зиндонӣ гардад.
