Қирғизистон: Бунгоҳи тобистонаи исломӣ
Дар Қирғизистон як самти нав маъруфият пайдо мекунад, лагерҳои тобистонаи исломӣ барои духтарон. Дар хусуси яке аз ин лагерҳо шабакаи телевизионии «Настоящее Время» хабари танқидӣ тайёр кардааст.
Мактабе, ки онро рӯзноманигорон зиёрат намуданд, 60 нафар духтарони аз 9 то 12 сола таълимоти динӣ мегиранд, дар рӯзҳои корӣ дар мактаб зиндагӣ бурда, рӯзҳои истироҳат ба назди волидон фиристода мешаванд. Муассисони мактаби тобистона мегӯянд, ҳадафи аслӣ аз таъсиси чунин мактабҳо таълим додани қавонини суннатии исломӣ ба кӯдакон аст.
Муҳаббат Сулаймонова, омӯзгори мактаби динии мазкур ба рӯзноманигор гуфт, онҳо дар тарбияи дурусти фарзандон ба волидон кӯмак мекунанд. «Мо ҷавононро ба некӣ даъват мекунем ва аз роҳи бад бозмедорем. Ба кӯдакон бояд таълими динӣ дода шавад. Бисёр одамоне хастанд, ки фарзандони худро ба волидайни худ мегузоранду ба онҳо нигоҳубин намекунанд. Кӯдакон бештари вақти худро бо телефон мегузаронанд. Аксар волидайн шикоят мекунанд, ки фарзандонашон ҳама вақт бо телефон мегузаронанд, намехонанд ва ба гапи волидон гӯш намедиҳанд. Барои тарбияи фарзандонашон ба кӯмак ниёз доранд. Ҳадафи мо ин аст, ки кӯдаконро дар рӯҳияи эҳтиром нисбат ба падару модар тарбия кунем”, — мегӯяд омӯзгор. Дар давоми 15 рӯзи таҳсил ва зиндагӣ дар мактаби тобистона ба духтарон сураҳои Қуръон ва қоидаҳои таҳорат ва намозро меомӯзанд.
Қобили зикр аст, ки муаллифони гузориш аз бадном кардани мактабҳои тобистонаи исломӣ, аз вазъи гӯё зиддисанитарӣ дар онҳо ёдоварӣ карда, инчунин бо истинод ба иқтибосҳои гӯё «мутахассисон»-е такя карданд, ки аз мавҷудияти чунин муассисаҳо изҳори нигаронӣ мекунанд. «Настоящее Время» як шабакаи «фаръӣ»-и Радиои Озодӣ ва Садои Амрико буда, аз ҳисоби грантҳои Конгресси ИМА маблағгузорӣ мешавад ва расман ҳадафи худро ҳамчун «пешбурди арзишҳо ва институтҳои демократӣ» муайян мекунад. Дар Қирғизистон муҳаррирони тамоми расонаҳои дар боло номбаршуда мавқеи бениҳоят зиддиисломиро ишғол намуда, пайваста гузоришҳои интиқодӣ дар бораи дин ва фаъолони исломиро нашр мекунанд.
Бояд гуфт, ки аҳолии Қирғизистон тайи даҳсолаҳои охир дар бозгашт ба арзишҳои таърихии исломии худ як пешравии бузург ба даст овардааст. Масалан, дар ВАО зуд зуд нашрияҳое пайдо мешаванд, ки сокинони баъзе маҳаллаҳои аҳолинишини кишвар аз нӯшидан ва фурухтани нӯшокиҳои спиртӣ худдорӣ мекунанд.
