Толибон бо ҷанги бузург таҳдид мекунад
Муовини фармондеҳи пайкари 217-уми Толибон, мулло Ҷон Муҳаммад Ҳамза, маъруф бо номи “Мулло Ҷон”, таҳдид кардааст, ки дар сурати даст накашидани дахолати Душанбе ба умури дохилии Афғонистон Тоҷикистонро дар давоми як ҳафта тасарруф хоҳад кард. Дар ин бора сомонаи 8am.af бо такя ба яке аз манобеаш хабар медиҳад. Дар ҳамин ҳол, Мулло Ҷон мушаххас кард, ки агар Русия пуштибони Тоҷикистон нагардад, ин таҳдид метавонад амалӣ гардад.
Қаблан Гулбиддини Ҳикматиёр, нахуствазири пешин ва муассиси Ҳизби исломии Афғонистон гуфта буд, ки Тоҷикистон «ба мухолифони афғон паноҳгоҳ дода, алайҳи Афғонистон ҷанг эълон кард» ва аз Душанбе тақозо кард, ки ба умури дохилии Афғонистон дахолат накунад.
Ёдрас мекунем, ки аз замони ба қудрат расидани Толибон дар Афғонистон ва то имрӯз Душанбе нисбат ба ҳукумати нави Афғонистон мавқеи оштинопазирро ишғол мекунад, дар ҳоле ки кишварҳои дигари минтақа омодагии худро барои ҳамкорӣ бо Толибон дар бахшҳои гуногун изҳор намуданд.
Ҳукумати Тоҷикистон таъсиси ба истилоҳ «ҳукумати фарогир»- ро дар Афғонистон талаб дорад ва дар баробари ин гурӯҳи мусаллаҳонаи Масъуди хурдро дастгири мекунад. Бо ташаббуси режими Раҳмон ҳатто кӯшиши ҷалби ихтиёриён дар Тоҷикистон бо баҳонаи ҳифзи аҳолии гӯё тоҷикзабон дар Афғонистон барои ҷанги бародаркушӣ ҷалб шуда буданд.
Ба ақидаи мушохидон, сарфи назар аз суханони ҷангҷӯёнаи яке аз фармондеҳи Толибон, ин изҳорот ба гумон аст, ки асосе надорад, зеро он ба мавқеи расмии Толибон, ки барои эътирофи хукумати нави худ аз тарафи ҷомеаи ҷаҳонӣ ва ҳамкорй кардан мебошад, мухолиф аст. Намояндагони Толибон борҳо изҳор дошта буданд, ки ба ҳамла ба кишварҳои ҳамсоя аз қаламрави Афғонистон иҷоза нахоҳанд дод. Режими тоҷикро пеш аз ҳама на ҳамлаи низомӣ аз қаламрави Афғонистон, балки эҳёи худи ғояи зиндагӣ аз рӯи қонунҳои дин ва муттаҳид кардани як минтақаи ягонаи таърихӣ бо таҳриби сарҳадҳои сунъии миллй ба изтироб меорад. Мисоли равшани муносибати гарму ҷушони аҳолии Осиёи Миёна ба Толибон вокуниши сокинони Самарқанд мебошад, ки ба қарибй ҳайати вакилони Афғонистон ба он ҷо ташриф оварда буд.
