Ӯзбекистон: “дархости коргарон”
Аз 1-уми август дар Ўзбекистон муҳокимаи лоиҳа оиди ворид намудани тағйиру иловаҳо ба сарқонуни Ҷумҳурии Ӯзбекистон ба охир расид. Тибқи иттилои шабакаи Telegram Yuksalish — LIVE, дар ҷараёни муҳокима 117 ҳазору 357 пешниҳод оид ба ислоҳоти конститутсионӣ ворид шудааст, ки дар миёни онҳо пешниҳодҳои ҷонибдорони ислоҳи моддаи 90-уми Конститутсияи феълӣ дар бораи тамдиди мӯҳлати президентӣ аз 5 то 7 сол низ мавҷуданд.
Маълумоте, ки рӯзноманигорон ба даст овардаанд, нишон медиҳад, ки бархе аз ин пешниҳодҳо дар баъзе ҷойҳо дар шакли “дархости коргарон” нашр шуда буданд, чун дар замони шӯравӣ, менависад Озодлик. Аз ҷумла, кормандони корхонаҳои давлатӣ ва ташкилотҳои буҷавиро маҷбур карданд, ки “дархост”-ҳои хаттӣ фиристанд.
Фаолони маҳалла ҳамчунин аз сокинони маҳаллаҳо тақозо кардаанд, ки ба рақами 1341 занг зананд ва аз онҳо дархост кунанд, ки муҳлати раёсати ҷумҳурӣ аз 5 то 7 сол тамдид карда шавад ва ё пешниҳоди якумра боқӣ бимонад. Илова бар ин, муҳаррирони Озодлик дар ихтиёри худ чанд далели ҳуҷҷатӣ доштанд, ки одамонро маҷбур намуданд, ки варақаҳои бо чунин пешниҳод имзо кунанд.
Нусхаи яке аз пешниҳодӣ ба Палатаи қонунгузории Маҷлиси Олӣ навиштаи кормандони «Узметкомбинат» дар шаҳри Бекободи вилояти Тошканд ба «Озодлик» супурда шуд: “Ман истиқоматкунандаи шаҳри Бекободи вилояти Тошканд ҳастам. Аз ислоҳоте, ки ҳоло мамлакати мо гузаронида истодааст, хеле қаноатмандам. Аз ин рӯ, ман дар бораи моддаи 90-уми Сарқонуни мо пешниҳод дорам. Пешниҳоди ман ин аст, ки мехоҳам мӯҳлати ваколати президентӣ аз 7 сол давом дода, якумр ба вазифаи президент интихоб гардад».
Яке аз масъулони ноҳияи Зомини вилояти Ҷиззах, ки аз ифшои номаш ба далели амниятӣ хостааст ифшо нагардад гуфт, ки ин кор ба дӯши кормандони як корхонаи давлатӣ маҷбурӣ сурат гирифтааст. «На дар шакли хаттӣ, балки шифоҳӣ, барои ҳама ташкилотҳо, Вазорати корҳои дохилӣ, додситони кулл, мактабҳо, кӯдакистонҳо. Ёрдамчиёни ҳоким супориш дода шуд, ки бо дархости занги телефони ба рақами 1341 ба назди мардуми шаҳр рафта, пешниҳод намоянд, ки мӯҳлати президентӣ 7 сол гардад. Аҳолии ноҳияи Зомин ба президент бовар надорад аввал ду сол барои мардум кор кард. Сипас барои хешу табори худ кор карда ба оффшор пул мегузаронад. Каримов ду духтар дошта бошад, вале ин хешовандони зиёд дорад ва онҳо сер намешаванд», — мегӯяд мансабдор.
