600$ ҷарима барои Ҳочизиёрат
Додгоҳ як сокини 61-солаи ноҳияи Сангворро барои баргузории маросими хоҷизиёрат (таҷлили зоирони аз Макка баргашта) ҷарима бастааст. Дар ин бора хабаргузории Азия-Плюс менависад. Аввали моҳи феврал як сокини яке аз деҳоҳои ноҳия пас аз бозгашт аз Ҳаҷ ба ифтихори ин маросими тантанавӣ ташкил карда, ба он беш аз 20 нафарро даъват кардааст. Барои ин ӯ ба маблағи беш аз 6000 сомонӣ ҷарима шудааст.
Бар асоси қонун дар бораи танзими анъана ва ҷашну маросимҳо дар Тоҷикистон баргузории чунин чорабиниҳо мамнӯъ аст. Аксари маросиму ҷашнҳо, тибқи ин қонун, бояд танҳо дар доираи оила бо иштироки теъдоди муайяни одамон сурат бигирад. Баъзеҳо комилан манъ карда шудаанд.
Ёдовар мешавем, ки мақомоти Тоҷикистон ҳама корҳоро анҷом додаанд, то сокинони кишвар ҳатто дар доираи дӯстон ва шиносони наздикашон ҷамъ наоянд: чун қоида, ҳама гуна ҷамъомадҳои одамон баҳсҳоро дар мавзӯъҳои сиесӣ ба вуҷуд меоранд, алахусус ҷамъомадҳо ба ифтихори бозгашт аз Каъбаи муқаддас, ки фазои исломиро дар ҷомеа мустаҳкам мекунанд.
