Мирзиёев кӯшиш дорад аз муҳоҷирони меҳнатии ӯзбек андоз ситонад

Мирзиёев кӯшиш дорад аз муҳоҷирони меҳнатии ӯзбек андоз ситонад

Аз 1-уми январи соли 2021, шаҳрвандони Ӯзбекистон, ки дар муҳоҷирати меҳнатӣ қарор доранд, бояд тибқи фармони Президент Шавкат Мирзиёев «Дар бораи ҷорӣ намудани  системаи муҳоҷирати меҳнатии бехатар, муташаккилона ва қонунӣ», ки моҳи сентябри соли равон ба имзо расидааст, ба буҷаи Ӯзбекистон андоз супоранд, хабар медиҳад Озодлик.

«Аз 1-уми январи соли 2021 шуғли муташаккилона дар хориҷа ба намудҳои фаъолияте, ки шахсони мустақил метавонанд машғул шаванд, баробар карда мешавад ва тартиби пардохти андозҳо ва ҳисоб кардани нафақа барои чунин ашхос татбиқ карда мешавад», — гуфта мешавад дар фармони президент.

Тибқи маълумоти Бонки марказии Ӯзбекистон, аз моҳи январ то октябри соли 2020 ҳаҷми интиқоли пул аз хориҷи кишвар 4,3 миллиард долларро ташкил додааст.

Маълумоти пешниҳодкардаи Бонки марказии Русия дар ду семоҳаи аввали соли 2020 нишон медиҳад, ки дар се моҳи аввали соли равон аз Русия ба Ӯзбекистон 436 миллиону 700 ҳазор доллар, дар семоҳаи дуюм бошад 536 миллион доллар фиристода шудааст. Маблағи умумӣ дар шаш моҳи соли равон 972 миллиону 700 ҳазор долларро ташкил медиҳад.

Бояд қайд кард, ки сокинони Ӯзбекистон ва тамоми дигар кишварҳои Осиёи Марказӣ тӯли се даҳсолаҳо аст, ки маҷбуранд барои ризқу рӯзӣ ёфтан ба хориҷа, асосан ба Русия бираванд ва дар он ҷо ба таҳқиру маҳдудиятҳои гуногуни сокинон ва мансабдорони маҳаллӣ дучор мешаванд.

Мушоҳидон қайд мекунанд, ки ҷорӣ кардани чунин андоз дар ҷаҳон падидаи бесобиқа аст: то ин дам ҳеҷ гоҳ ба ақли касе намеомад, ки андозбандии дукарата аз даромади муҳоҷирони меҳнатиро ҷорӣ кунад, то онҳо андозҳоро ҳам дар кишвари муҳоҷирати меҳнатӣ ва ҳам дар ватани худ ҳамзамон пардохт кунанд.

Ҷолиби диққат аст, ки мардуми Ӯзбекистон ин хабарро хеле дарднок қабул карданд, ки дар натиҷа мавҷи норозигии оммавӣ дар байни мардум оғоз ёфт — одамон далерона дар Интернет изҳори назар карданд, дар бораи навигариҳо паёмҳои видеоӣ сабт карданд. Кумитаи давлатии андоз саривақт даст кашида, маълумотро дар бораи ҷорӣ кардани андоз «овозаҳои бардурӯғ» номид. Тавре ки дар шӯъба гуфтанд, аз муҳоҷирон андоз аз даромад талаб карда намешавад, аммо онҳо метавонанд, бо хоҳиши худ, ба Фонди нафақа андози иҷтимоӣ бисупоранд. «Агар шаҳрванде, ки муваққатан дар хориҷа кор мекунад, зарурати ҳисоб кардани нафақа ва собиқаи кориро дар Ӯзбекистон надиҳад, пас ҳеҷ зарурате барои пардохти андози иҷтимоӣ ба Фонди нафақа вуҷуд надорад», — хабар дод Кумитаи давлатии андоз, аз хашми мардум тарсида.

Мақомот бо фармони президентӣ ки моҳи сентябр қабул шудааст ва дар он мустақиман гуфта шудааст, ки «аз соли 2021 муҳоҷирони меҳнатии қонунӣ бо коргарони мустақил баробар карда мешаванд ва онҳо бояд андози иҷтимоӣ пардохт намуда, ба ҳисобкунии нафақаи минбаъдаи Ӯзбекистон ҷорӣ карда мешаванд» чӣ кор хоҳанд кард — норавшан боқӣ мемонад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.