ВКД-и Тоҷикистон аз Туркия хостааст, ки шаҳрвандонашро боздод кунад
Санаи 27-уми сентябр дар рафти гузарондани 86-умин иҷлосияи Ҷамъомади Умумии Интерпол, ки дар шаҳри Пекини Ҷумҳурии Халқи Хитоӣ идома дорад, вохӯрии Вазири Корҳои Дохилии Тоҷикистон Рамазон Раҳимзода бо намояндагони вакили Туркия бо сарварии ҷонишини Вазири Корҳои Дохилии Туркия Меҳмет Эрс баргузор гардид.
Дар рафти вохӯри тарафайн барои ҳамкориҳои дуҷониба оиди боздод кардани шаҳрвандони Тоҷикистон, ки дар Туркия аз режими Раҳмон паноҳгоҳ ёфтаанд баррасӣ намуданд.
Қайд шудааст, ки дар мубориза алайҳи гӯё «терроризм ва экстремизм» ҳамкориҳои тарафайн дар сатҳи баланд қарор дорад ва дар ин самт чорабиниҳои дуҷониба гузаронида шуда истодааст.
Ёдрас мекунем, ки ҳоло дар Туркия шумораи зиёди гурезаҳои сиёсӣ аз Тоҷикистон зиндагӣ ба сар мебаранд, ки бо сабаби диндорӣ ва сиёсӣ аз тарафи режим ба таҳдиди сахт дучор гардида, маҷбур шуданд ватанашонро тарк намоянд.
