Дар маркази Тошканд такбирҳо садо доданд

Дар маркази Тошканд такбирҳо садо доданд

Рӯзи 28 март дар маркази Тошканд дар хиёбони Амир Темур ҳодисае рух дод, ки бино ба гузоришҳои расонаҳо, мухлисони аниматсиони ҷопонӣ ва мусиқии Корея бо ҳамроҳии баъзе ҷонибдорони ЛГБТ ҷамъ омадаанд.  Гурӯҳи ҷавон мардон кӯшиш карданд, ки ин издиҳомро пароканда кунанд, дар натиҷа задухӯрд рух дод. Дар шабакаҳои иҷтимоӣ наворҳои видеоӣ нашр шудаанд, ки чӣ гуна кормандони полис баъзе ҷавононро дар ҷои ҳодиса боздошт мекунанд ва инчунин садоҳои такбир низ ба гӯш мерасад.

Рӯзи 29 март хадамоти матбуотии Вазорати корҳои дохилии Ӯзбекистон навори видеоиро шарҳ дода изҳор намуданд, ки блогер Миразиз Бозоров, ки намояндаи ЛГБТ аст дар ин ҳодиса ҳамчун «иғвогар» айбдор дониста шудааст.

Дар навори видеоие, ки панҷ дақиқа тӯл кашидааст гуфта мешавад, ки Бозоров борҳо мардумро бо самти ғайримуқаррарӣ ба тазоҳуроти оммавӣ дар масҷиди Хаст Имом ва назди майдони Амир Темури Тошканд даъват кардааст.  Ғайр аз он, блогер, тавре ки дар ВКД таъкид карданд, «рафтори бадахлоқии худро ва беэътиноияшро нисбат ба қоидаҳои ҷомеа тавассути шабакаҳои иҷтимоӣ бо истифода аз хулқи таҳқиромез ва пастзананда, ки хилофи фарҳанги миллӣ мебошад борҳо намоиш дода буд».

«Дар натиҷа, рӯзи 28 март гурӯҳе аз шаҳрвандон, ки муроҷиатҳои онҳоро таҳқири шаъну эътибори худ донистанд, дар майдони Амир Темур ҷамъ омада, изҳори ақида ва мавқеи шаҳрвандии худро нисбати он баён карданд». Ин гурӯҳи одамон бетартибӣ карданд, ба амнияти мардум таҳдид пайдо шуд.  Тадбирҳои хушунатомези мақомоти ҳифзи ҳуқуқ бетартибиҳоро бартараф карданд. Шахсоне, ки қонуншиканӣ содир намуданд, боздошт гардиданд».

Фазлиддин Парпиев, собиқ имомхатиби масҷиди ҷомеи «Омина» — и Тошканд, дар паёми видеоии худ дар бораи ин вазъ ибрози назар кард.  «Чаро ҷавононе боздошт шуданд, ки мавқеи худро дар бораи ғайримақбул будани паҳни ғояҳои ҳамҷинсгароӣ дар ҷомеаи Ӯзбекистон иброз доштанд ва аз тарафи дигар, касе боздошт нашудааст, дар ҳоле ки амали онҳо аз ҷониби мақомот ғайриқонунӣ ҳисобида шуд? … Мусулмон бояд нисбати чизҳое, ки дини мо ғайримақбул гуфтааст, мавқеи қатъӣ дошта бошад, зеро Ислом ба ин даъват мекунад», гуфт ӯ.

Коршиносон қайд мекунанд, ки дар байни халқҳои Осиёи Марказӣ пайдоиши афроде, ки ақидаҳои мухолифи Ислом ва фарҳанги он халқҳоро доранд ва муносибатҳои ғайримуқаррарӣ барои ин минтақаро амалӣ мегардонанд, натиҷаи сиёсати дарозмуддати пешгирифтаи мақомот мебошад. Манъ кардани ҳама гуна фаъолиятҳои исломӣ ва таблиғоти зиддиисломӣ, ҷорӣ кардани ғояҳои дунявият ва миллатгароӣ дар муассисаҳои таълимӣ ва васоити ахбори омма, инчунин кушодани дарҳо барои лоиҳаҳои фарҳангию маърифатии Русия ва Ғарб дар баробари дастрасии васеи насли ҷавонон ба Интернет, ҳамчун омилҳои асосӣ ба ҳисоб мераванд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.