Дар Тоҷикистон зиёда аз 30% аҳолӣ нимгуруснаанд
Дар кишварҳои Осиёи Марказӣ 5,6 миллион инсон нимгуруснаанд. Дар ин хусус 4-уми декабр барномаи озуқа ва кишоварзии СММ дар маърӯзаи «Вазъияти кор дар самти амнияти озуқаворӣ ва ғизо дар Аврупо ва Осиёи Марказӣ — 2017» пешниҳод намуд, хабар медиҳад ОИ «Фарғона».
Теъдоди бештари нимгуруснагон дар Тоҷикистон дида шудааст — 2,6 миллион инсон ё ин ки зиёда аз 30% аҳолӣ мебошад. Дар Ӯзбекистон бошад 1,9 миллион (6,3%) инсон нимгуруснаанд. Дар Қирғизистон — 0,4 миллион инсон (6,4%). Дар Туркманистон — 0,3 миллион инсон (5,5%) ташкил медиҳад.
Айни замон вазъият дар минтақа хеле душвор буда, нишондодҳо феълан тағйир наёфтааст. Дар муддати 10 сол вазъият дар Туркманистон бад шудааст: агар дар соли 2005 теъдоди нимгуруснагон 4,6% аҳолиро ташкил карда бошад, соли 2016 нишондоди мазкур 5,5%-ро ташкил кард.
Бояд қайд намуд, ки ҳолати фалокатовари гуманитарӣ дар минтақа ба мустабидони Осиё барои обрӯ ва хушнудии шахсияшон сарф кардани пули зиёд монеа вуҷуд надорад. Масалан, соли 2017 барои гузаронидани бозиҳои Азиада дар шаҳри Ашқобод раисҷумҳури Туркманистон Қурбонгули Бердимуҳамедов $8 миллиард сарф намуда шаҳраки олимпӣ сохтааст. Монанди ин дар Тоҷикистон низ рӯй медиҳад: ҳар як ташрифи раисҷумҳур Раҳмон ба минтақаҳои кишвар буҷаи маҳаллӣ ба хараҷотҳои афсонавӣ рӯбарӯ мегардад, ки барои гузаронидани чорабиниҳои идона ба хотири ташрифории гӯё «Пешвои миллат» масраф мешаванд.
