Тоҷикистон — яке аз фасодзадатарин кишварҳост
Тоҷикистон дар рейтинги Transparency International ба 10 нишондод фурӯ рафта мавқеи худро бад намуд. Ҳамин тавр, дар рейтинги қабули коррупсия Тоҷикистон аз мавқеи 151-ум ба мавқеи 161-ум фурӯ рафт. Ҳамагӣ рейтинги Transparency International 180 кишварро дарбар мегирад.
Санаи 22-уми феврал ташкилоти байналмиллалӣ оиди вокуниши коррупсия Transparency International бисту дувуми индекси қабули коррупсия (ИҚК) соли 2017-ро нашр намуд.
Дар индекси мазкур кишварҳои ҷаҳон бо ҷадвали аз 0 то 100 балл баҳогузорӣ карда мешаванд, ки дар инҷо «0» маънои дараҷаи баланди сатҳи қабули коррупсия ва ба таври мувофиқ дараҷаи ниҳоии коррупсионӣ будани мансабдорон дар сектори умумиро ифода менамояд. «100» бошад дараҷаи пасти қабули коррупсия буда, тибқи усули ташкилот маънои бидуни коррупсияро ифода менамояд. Ҳамин тавр, Тоҷикистон бо 21 хол дар 161-ум ҷоӣ қарор гирифт. Дар рейтинги мазкур Тоҷикистон дар паҳлуи кишварҳои Чад ва Эритрея ҷойгир шудааст. Каме поинтар аз Тоҷикистон кишвари Туркманистон дар мавқеи 167-ум ҷоӣ гирифт. Ӯзбекистон дар 157-ум, Қазоқистон дар 122-ум ва Қирғизистон бошад дар 135-ум ҷоӣ қарор гирифт.
Ҷолиби диққат он аст, ки соли 2017 дар Тоҷикистон даҳҳо кормандони баландпояи хадамоти зиддикоррупсионӣ ба ҳабс гирифта шуданд, яъне муборизони коррупсия худ коррупсионер будаанд.
