Набераи Раҳмон дар мусобиқа ҷои аввалро ишғол намуд

Ҷоизаи аввал дар мусобиқаи аспдавонӣ, ки рӯзи шанбеи гузашта дар ипподроми марказӣ баргузор гардид ба Анушервони Рустам, набераи раисҷумҳури Тоҷикистон Раҳмон писари Рустами Эмомалӣ сазовор гардид. Дар ин хусус радиои Озодӣ такя ба манбаи худ хабар медиҳад.

Аспи ӯ бо номи «Рахш» ба марра аз дигар аспон аввал омадааст. Ба ғолиб калиди нақлиёти тамғаи «Мерседес» ва ба миқдори 3 ҳазор сомони мукофотпулӣ дода шуд. Дар аспдавоние, ки аз тарафи маъмурияти Рустами Эмомалӣ, Вазорати кишоварзи Тоҷикистон ва Федератсияи варзиш оиди аспдавонии Тоҷикистон ташкил шудааст, аспони зотии маҳаллӣ, англисӣ, туркманӣ аз пойтахт, Хуҷанд, Ваҳдат, Роғун, инчунин аз ноҳияҳои Ашт, Данғара, Файзобод, Фархор, Ховалинг ва Хуросон иштирок варзиданд.

Ёдрас мекунем, ки Рустами Эмомалӣ соли 2009 издивоҷ кардааст, вале дар хусуси сину соли писараш дар хабар гуфта нашудааст. Ҷолиби диққат аст, ки чунин ҳолатҳо якумин дафъа нест ва золимони кишварҳои мусулмоннишини собиқ Иттиҳоди Шӯравӣ, ё ин ки фарзандонашон дар мусобиқаҳои мазкур ҷоизаҳои аввалро ишғол менамоянд. Ҳамин тавр моҳи майи соли ҷорӣ раисҷумҳури Туркманистон Қурбонгули Бердимуҳамадов дар мусобиқаи аспдавонӣ ғалаба кард ва соҳиби нақлиёти Toyota Land Cruiser Prado гардид. Дар моҳи октябри соли 2016 бошад, се писари хурдсоли раисҷумҳури Чеченистон Рамазон Қодиров дар мусобиқаи кӯдаконаи ҷанги бетартиб ғалаба карданд. Истифодабарандагони сомонаҳои иҷтимоӣ ғалабаҳои мазкурро бо лавҳаҳои филми комедии «Диктатор», ки аз тарафи синамогарони Ҳоливуд сурат гирифта шудааст қиёс мекунанд, ки дар он қиёфаи ҷамънамудаи ҳокими араб дар Олимпиадаи ташкил кардаи худ ғалаба мекунад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.