Дар Русия мехоҳанд шумораи муҳоҷирони меҳнатиро ихтисор намоянд
Тибқи иттилои «Интерфакс» ҷонишини сарвазири Русия Олга Голодетс баёноте изҳор намудааст, ки шумораи муҳоҷирони меҳнатиро дар бозори меҳнатӣ ихтисор бояд кард. Ҳукумат азм намудааст, ки бо мурури замон қувваи кории хориҷиро маҳдуд бисозад.
Ба гуфтаи Голодетс дар соли 2015 шумораи муҳоҷироне, ки дар соҳаи мусофиркашӣ кору фаъолият мекарданд (аз 50% ба 28%) ва дар соҳаи тиҷорат (аз 25% ба 15%) коҳиш ёфтааст.
Моҳи ноябри соли 2017 ҳукумати Русия квота барои зистани муваққатии муҳоҷиронро дар соли 2018 ба миқдори 90 360 иҷозат муқаррар намуда буд, ки ин ба 19,8 ҳазор иҷозат нисбат ба соли гузашта кам мебошад. Каме пеш Вазорати меҳнат ба миқдори 140 423 иҷозат барои кору фаъолият таклиф карда буд, ин нисбат ба соли 2017 20% кам мебошад.
