Тартиботи нав барои ворид шудан ба Русия
Аз 25-уми май шурӯъ карда Қоидаҳои нав барои ворид шудан ба қаламрави Федератсияи Русия барои хориҷиён ба кор дароварда шуд. Тибқи иттилои ОИ «Спутник» тартиботи мазкур бинобар қарори қабул кардаи раисҷумҳури Русия Владимир Путин оиди пурзӯр намудани чораҳои бехатарӣ доир ба гузаронидани маъракаи ҷоми ҷаҳонӣ 2018 оид ба футбол тартиб дода шудааст.
Тартиботи махсус дар шаҳрҳои Маскав, Санкт-Петербург, Қазон, Волгоград, Екатеринбург, Калининград, Нижний Новгород, Ростов на Дону, Самара ва Саранск пурзӯр гардонида шудааст.
Тибқи коидаҳои нав шаҳрвандони Тоҷикистон дар муддати се шабонарӯз аз рӯзи ворид шудан ба қаламрави ФР дар яке аз шаҳрҳои номбаршуда бояд барои аз қайд гузаштан ба ҷои минтақавии мутобиқшудаи ВКД ФР ва ё ба маркази пешниҳод намудани хизматрасониҳои давлатӣ муроҷиат намоянд.
Ёдрас мекунем, ки ҷоми ҷаҳонӣ оид ба футбол FIFA 2018 дар Русия аз 15-уми июн то 16-уми июл баргузор мегардад. Аз ин рӯ, дастгир намудани ғайриқонунии муҳоҷирони меҳнатӣ бо баҳонаи пурзӯр гаштани чораҳои бехатарӣ афзоиш меёбад.
