Дар Калининград гурӯҳи муҳоҷирони меҳнатиро дар терроризм муттаҳам намуданд

ФСБ-и Русия оиди дастгиршавии муҳоҷирони меҳнатӣ аз Осиёи Марказӣ дар шаҳри Калининград ва иттиҳомии онҳо дар терроризм ҳисоботеро пешниҳод намуд. Тибқи баёноти хадамоти қудратӣ гурӯҳе муҳоҷирони меҳнатӣ аз Осиёи Марказӣ бо ҷалб намудани инсонҳо ба сафи гурӯҳи шӯришгарони Сурия машғул будаанд.

«Муайян шуд, ки ду нафар аз дастгиршудагон бо воситаи шабакаҳои иҷтимоии пӯшида (ба монанди месенҷер ва телеграм) бо намояндагони шӯришгарон дар кишвари Сурия алоқаро ба роҳ мондаанд, инчунин сокинони шаҳри Калининградро ва шахрвандони Осиёи Марказиро барои дар фаъолияти «Ҷамоати тавҳид ва ҷиҳод» иштирок варзидан таблиғ менамуданд», гуфта шудааст дар паёми ФСБ.

Дар сомонахои интернети навори видеоӣ оиди дастгиршавии мухоҷирони меҳнатӣ нашр шудааст.

Тибқи иттилои сомонаи «Агония.ру» ФСБ-и Русия дар шароити кампанияи калони Роскомнадзор оиди қатъи фаъолияти Telegram дар Русия зуд-зуд дастгиршавии гумонбаршудагонро дар гурӯҳҳои мусаллаҳ ҳисоботҳоеро нашр карда истодааст ва гӯё онҳо барои алоқа айнан месенҷери мазкурро истифода мебаранд.

Ёдрас мекунем, ки солҳои ахир хадамотҳои махсуси Русия механизми парвандаҳои ҷиноии бофташуда нисбати муҳоҷирони меҳнатӣ аз Осиёи Марказӣ ба роҳ мондаанд. Хусусан моҳҳои охир чунин ҳисоботҳо оиди амалиёти дастгиршавӣ аз тарафи хадамотҳои қудратӣ дар шаҳри Ямал, Доғистон ва Тотористон, дар вилоятҳои Омск, Уляновск ва Ярославск, инчунин дар Ставрополск нашр гардид. Мутахассисон бар он ақидаанд, ки фаъолшавии парвандаҳои бофташуда эҳтимол аст, ки бо хоҳиши Кремл вобаста буда, барои  эътибори мардумро аз фаъолшавии эътирозӣ ба сӯи дигар нигаронидан равона карда шудааст, ки аксарияти русҳо ба он омехта мешаванд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.