Дар Тоҷикистон ангушти ишораро боло бардоштанро манъ карданианд
Дар Тоҷикистон рӯзҳои наздик ангушти ишоравиро ба боло бардоштан манъ карда мешавад. Кумитаи оид ба корҳои дин ба имом-хатибони давлатӣ фармудааст, ки ишораи мазкурро тадқиқ намоянд.
Чи тавре ки радиои Озодӣ иттилоъ медиҳад, ҷойнишини шӯъбаи таълимоти динии Кумитаи оид ба корҳои дин Маъруф Шонасриддинов дар чорчӯбаи тадқиқоти ҷалбкунии ҷавонон ба гурӯҳҳои террористӣ ва пешгирии зуҳуроти мазкур менависад, ишораи «боло бардоштани ангушти ишоравӣ, ки аз тарафи пайравони гурӯҳҳои ифротгароӣ ва террористӣ бисёртар истифода бурда мешавад ба тоҷик ҷавонони истифода барандагони сомонаҳои иҷтимоӣ таъсири ҷиддӣ расонда, дар рафти сӯҳбат бештари ҷавонон ба онҳо тақлид менамоянд».
Ба андешаи худи сокинони Тоҷикистон ин ишораи мазкур, рамзи динӣ- нишонаи яккахудоӣ буда, тамоми мусулмонони ҷаҳонро муттаҳид месозад ва ба бедории мусалмонон, ки имрӯз аксарияти кишварҳои мусулмононро фаро гирифтааст ишора мекунад.
