Боз як воизи мустақил дар Душанбе боздошт шуд

Боз як воизи мустақил дар Душанбе боздошт шуд

18 июни соли ҷорӣ дар шаҳри Душанбе воизи мустақили тоҷик Абдуллобек Қувватбеков, маъруф бо номи Мавлавӣ Абдуллоҳ Язгуломӣ ва бародари ӯ Иззатулло Қувватбеков дар манзили худ боздошт шуданд, дар ин бора Озодӣ такя ба як манбаи наздик ба мақомоти давлатӣ иттило медиҳад.

Мавлавӣ Абдулло рӯҳонии маъруф аз ҷамоати Язгуломи минтақаи Ванҷи Бадахшон аст, вақтҳои охир сабти видеоии баромадҳо ва мавъизаҳои ӯ дар шабакаҳои иҷтимоӣ васеъ паҳн гардидааст.

Ба гуфтаи бародари Қувватбек, ҳашт корманди мақомоти ҳифзи ҳуқуқи ноҳияи Язгулом субҳи 18 июн ба манзили онҳо омада, Абдуллобек ва Иззатуллоро бо худ бурданд, инчунин китобҳои динӣ ва 80 000 долларро мусодира карданд.

Қувватбек Қувватбеков афзуд, ки чанде пеш бародараш се мошини боркашии КамАЗ пур аз себ барои фурӯш аз Ванҷ ба Душанбе овард ва ӯ аз ин 80 ҳазор доллар ба даст овардааст.

«Чанд нафар кормандони ҳифзи ҳуқуқ манзилро кофтукоб карданд ва ҳама китобҳои диниро, ба ҷуз Қуръон мусодира карданд. Маблағеро, ки бародарам мехост бо он барои фарзандонаш дар Душанбе хона харад, мусодира карда шуд. Бародарҳоямро бурданд ва пулҳоро мусодира карданд”, — гуфт Қувватбеков ба хабарнигорон.

Таҳририяти «Хабарҳо» барои шарҳи мавзу ба Шокирхон домулло аз шаҳри Душанбе муроҷиат намуд.  «Ин аввалин ҳолате нест ва  эҳтимолан, дар шароити режими кунунӣ, чунин боздоштҳо идома хоҳанд ёфт, алахусус солҳои охир, мо ҳатто ҳабси имомхатибони ҳукуматро борҳо мушоҳида намудем, ба истиснои воизони мустақил.  Агар ягон тағирот дар ҳукумат дар ин минтақа ба амал ояд, ин танҳо дар сурате хоҳад буд, ки омили исломӣ вуҷуд дошта бошад.  Аз ин рӯ, режими Тоҷикистон ва дигар режимҳои кишварҳои минтақа сиёсати дур кардани Ислом аз ҳаёти ҷомеа ва пешгирии эҳёи исломи сиёсиро барои худ қарор доданд».

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.