Дар Бишкек камераҳои муайянкунандаи рӯй пайдо гардидаанд
Дар пойтахти Қирғизистон камераҳои муайянкунандаи рӯй пайдо гардидаанд. Таҷҳизоти навро ширкати чинӣ аз ҳисоби худ ҷорӣ менамояд. Айни замон дар кӯчаҳои шаҳри Бишкек 60 адад видеокамера инсонҳоро ба навор мегирад, ки 20 адади он бо муайянкунандаи рӯй ҷиҳозонида шудааст.
Системаи мазкур алҳол ба кор дароварда шудааст, вале ба суоли маълумоте, ки ба навор гирифта шудааст, дар куҷо нигоҳ дошта мешавад, киҳо ба он роҳ дода мешаванд ва дар вақте, ки маълумотҳои мазкур ихроҷ гарданд, ки аз он масъул аст — то ҳол посух дода нашудааст.
Маркази фармондеҳии рақамии Сарраёсати ШКД бо иштироки раисҷумҳур, вазири корҳои дохилӣ ва раиси шаҳри Бишкек бо тантана кушода шуд. Тибқи гуфтаҳои роҳбари ВКД Кашгар Ҷунушалиев ҷойгир намудани 1000 адад видеокамераҳои назоратӣ ба нақша гирифта шудааст.
Ҳукумат итминон дорад, ки системаи нав барои коҳиш додани ҷинояткорӣ кӯмак медиҳад, дар айни замон мутахассисон кафолати нигоҳдории маълумотҳои шахсиро талаб доранд. «Айни ҳол технологияи чинӣ бидуни манфиат даромада намеояд. Зеро, ба ширкатҳои чинӣ хизматрасонии фосилавии маҳсулоти худ гаронбаҳо мебошад, — изҳор намуд раиси фонди «Ташаббуси шаҳрвандии сиёсати интернет» Татту Мамбеталиев. Дар навбати худ хавфи бузург аст, ки онҳо маҳсулоти худро ворид карда, итминон дорам, ки ба маълумотҳои мазкур роҳ дода мешаванд».
Ёдрас бояд кард, ки моҳи июн радиои Озодӣ ба муовини сардори маркази «Шаҳри бехатар» Фурқат Шоимардонов такя намуда иттило додааст, ки ширкати чинӣ «Huawei» нақша дорад дар пойтахт ва дигар шаҳрҳои калони кишвари Тоҷикистон камераҳои назоратии муайянкунандаи рӯй ҷойгир намояд.
Бояд қайд намуд, ки дар худи Чин бо воситаи системаи назорати, ки бо хиради сунъӣ ҷиҳозонида шудааст, аллакай дар давоми солҳои дароз сиёсати назорати пурраи аҳолӣ, хусусан мусулмонҳои Туркистони шарқӣ гузаронида мешавад. Масалан, эътирозгарони шаҳри Ҳонконг якчанд чораҳоро алайҳи чунин сиёсат коркард намуданд — дар рафти иқдоми оммавӣ онҳо бо худ соябонҳо гирифта, ба рӯйҳояшон ниқоб ва ё ҷиҳозҳои акс намоиш диҳанда мегирифтанд, ки бо он камераҳоро фиреб дода мешавад. Ғайр аз ин, аксарияти намоишгарон сутунҳои хирадмандро мешикастанд ва ё симҳои онро меканданд. Истисно нест, ки ояндаи наздик чунин услубҳоро сокинони Осиёи Марказӣ низ ба кор бубаранд, — мегӯянд таҳлилгарон.
