Раҳбарони Осиёи Марказӣ аз рӯйдодҳои Қирғизистон нигарон ҳастанд

Раҳбарони Осиёи Марказӣ аз рӯйдодҳои Қирғизистон нигарон ҳастанд

Президентҳои Қазоқистон, Тоҷикистон, Туркманистон ва Ӯзбекистон аз вазъи Қирғизистон изҳори нигаронии ҷиддӣ карданд ва дар ин бора изҳороти муштарак пахш намуданд.

Изҳорот дар сомонаҳои Акорда ва Вазорати корҳои хориҷии Тоҷикистон рӯзи 9-уми октябр нашр шудааст. «Мо ҳамчун ҳамсоягони наздик, ки бо риштаҳои чандинасраи дӯстӣ, ҳамсоягии нек, арзишҳои муштараки фарҳангӣ ва маънавӣ дорем, мардуми Қирғизистонро дар ин рӯзҳои душвор даъват менамоем, ки ба хотири ҳифзи сулҳ ва барқарории субот дар кишвар хиради хоси худро нишон диҳанд», — гуфта мешавад дар изҳорот.

Дар санад инчунин қайд шудааст, ки некӯаҳволии Қирғизистон омили муҳими амнияти минтақавӣ ва рушди устувор дар тамоми Осиёи Марказӣ мебошад. «Кишварҳои мо як гузашта доранд ва ояндаи муштарак месозанд.  Халқҳои Осиёи Марказиро таърихан хоҳиши сулҳи пойдор, ҳамоҳангӣ ва эҷодкорӣ ба манфиати наслҳои оянда муттаҳид мекунад»,- гуфта мешавад дар санад.

Ёдрас мекунем, ки шаби 6-уми октябр дар Бишкек мардуме, ки аз натиҷаҳои интихоботи парлумонӣ норозӣ буданд, ба гирдиҳамоӣ баромаданд. Пас аз он ки нерӯҳои амниятӣ кӯшиши пароканда кардани гирдиҳамоии мардуми норозиро шурӯъ намуданд, дар шаҳр ошӯбҳо сар зад. Дар ҷараёни даргириҳо, садҳо нафар маҷрӯҳ шуданд, як нафар кушта шуд.  Эътирозгарон «Кохи Сафед» — ро ишғол карданд ва инчунин президенти собиқи Қирғизистон Алмазбек Атанбоев ва чанд маҳбуси дигарро барои фасоди сиёсатмадорон аз зиндон раҳоӣ карданд. Кумитаи Маркази Интихоботии Қирғизистон натиҷаҳои интихоботи парлумониро беэътибор донист.

Пас аз бетартибиҳо, президент Жээнбеков борҳо ба шаҳрвандон муроҷиат кард, дар яке аз муроҷиати худ шаби 9-уми октябр Жээнбеков бо тариқи ихтиёрӣ тарк кардани мансабашро эълон кард. «Мо бояд ҳарчи зудтар вазъи кунуниро барқарор кунем.  Пас аз тасдиқи роҳбарони қонунии ҳокимияти иҷроия ва кишвар роҳи қонуниятро пеш гирифтан, омода ҳастам аз вазифаи президенти Қирғизистон истеъфо диҳам», — гуфта шудааст дар муроҷиати ӯ.

9-уми октябр ӯ фармон дар бораи истеъфои сарвазир, ҳукумат ва раиси Кумитаи давлатии амнияти миллиро имзо кард.  Дар ҳоли ҳозир, дар Бишкек вазъи фавқулода эълом шуда соъати комендантӣ ҷорӣ шудааст.

Ба гуфтаи таҳлилгарони сиёсӣ, чунин ҷараёни ҳодисаҳо дар ҳамсоягӣ режимҳои авторитарии минтақаро, ҳатто агар ин воқеаҳо бештар бо мубориза барои қудрат байни қабилаҳои маҳаллӣ алоқаманд бошанд ҳам ба ташвиш наоварда наметавонад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.