Дар Санкт-Петербург ба муҳоҷири тоҷик бо қатлкунӣ таҳдид намуданд
Дар Санкт-Петербург як гурӯҳ ҷавонони миллатгаро дар яке аз боғҳои шаҳр ба муҳоҷири меҳнатии тоҷик ҳамла намуданд, дар ин хусус сомонаи 78.ru ба манба дар мақомоти ҳифзи ҳуқуқ такя намуда иттило медиҳад. Қазияи мазкур санаи 4-уми ноябр дар боғи Екатерингоф рух додааст.
Чи тавре ки маълум гардид, шаш нафар ҷавонон ба шаҳрванди 30 солаи Тоҷикистон бо баллонаки газдор таҳдид намуданд ва агар ба ватанаш барнагардад ба қатл мерасонанд гуфта таъкид карданд. Ҷинояткоронро рӯзи панҷшанбе 14-уми ноябр дастгир намуданд. Парвандаи ҷиноӣ тибқи моддаи «Авбошӣ» оғоз гардид. Яке аз дастгиршудагонро, ки алҳол 17 сола мебошад пушти панҷара ирсол намуданд. Айни замон ӯ дар боздоштгоҳи тафтишотӣ қарор дорад. Ба дастгиршудагони дигар ки 15-16 сола ҳастанд алҳол чораи ҷазо татбиқ нагардидааст.
