Донишгоҳи иқтисод ва сулҳ: дар Тоҷикистон хатари гӯён «терроризм» вуҷуд надорад
Дар рейтинги ҷаҳонӣ Тоҷикистон ба гурӯҳи кишварҳои бо сатҳи пасти таъсиргирӣ аз гӯён «терроризм» дохил шуд. Индекси мазкур аз тарафи гурӯҳи мутахассисони байналмиллалӣ таҳти роҳбарии Донишгоҳи иқтисод ва сулҳ (The Institute for Economics and Peace) донишкадаи шаҳри Сиднейи Австралия тайёр карда шуд. Ба гурӯҳи кишварони бо сатҳи пасти таъсиргирӣ аз гӯён «терроризм» кишвари Шветсия (ҷои 51), Ҷопон (ҷои 67), Итолиё (ҷои 69), Тоҷикистон (ҷои 74) ва Қазоқистон (дар ҷои 75) дохил шуданд.
Донишгоҳи иқтисод ва сулҳ ки қароргоҳаш дар Австралия ҷойгир аст, худро ҳамчун «маркази таҳлилии ғайритиҷоратии мустақил муаррифи намуда, методологияи баҳодиҳии худро оиди тамоюли сулҳ ва зӯроварӣ дар ҳаёти кишварҳои аз нуқтаи назари иқтисод коркард намудааст».
Коршиносон қайд мекунанд, ки ҳарчанд афкори мутахассисон оиди баҳодиҳии ҳолати Тоҷикистон ҳамчун кишвари сулҳу ором якраъӣ бошад ҳам, режими Раҳмон ва хадамотҳои қудратӣ шабу рӯз бо ошкор намудани хатари вуҷуд надошта овораанд. Бо баҳонаи мубориза алайҳи «терроризм ва экстремизм» садҳо нафар аз падарҳои худ ҷудо шудаанд, садҳо нафар шаҳрвандон бо парвандаҳои бофташудаи динӣ ба зиндонҳо маҳкум шуданд. Ба ақидаи таҳлилгарон, имрӯзҳо бо айни ҳаракати мазкур давлатҳои абарқудрат ба монанди Русия машғул мебошанд, ки бо ёрии Раҳмон низомиёни худро дар минтақаҳои Тоҷикистон ҷойгир намуда, дар дидбонгоҳҳои марзӣ мушовирони низомии худро ворид намуд ва кишварро аз истиқлолият маҳрум гардонид. Инчунин ақидаи худро оиди гӯён «ҳимоя аз терроризм» ба кишварҳои мустамликашуда талқин менамояд.
