Барои коҳиш додани таввалудшавӣ дар Тоҷикистон Япония ба режими Раҳмон кӯмак мекунад
Дар чорчӯбаи барномаи пешгирии бордоршавии номатлуб ҳукумати Япония нақша дорад дар 4 соли наздик ба Тоҷикистон зиёда аз 20 млн дона рифола ва дигар намуди контрасептиро ирсол намояд. Барои амалигардонии нақшаи мазкур Токио 2,5 млн доллар ҷудо кард. Дар ин хусус ба радиои Озодӣ сардори маркази миллии солимии репродуктивӣ Вазорати тандурустӣ Тоҷикистон Мунира Ғанизода иттило дод.
«Мақсад аз чунин барнома коҳиш додани сатҳи фавтидани модарон дар вақти таваллуд ва таваллудшавии кӯдаки солим мебошад. Марҳилаи байни таваллудро ба 3 сол дароз намудан лозим, то ин ки организми модар ба таваллуди кӯдаки оянда тайёр бошад», иброз намуд ӯ.
Ёдрас мекунем, ки режими Раҳмон якчанд сол аст, ки оиди коҳиш додани сатҳи таваллуд дар байни мардуми кишвар таблиғот мебарад. Ва ин ки гуё таваллудкунии аз ҳад зиёд ба фурӯравии иқтисод овардааст. Ҳамин тавр, режими ҳукмраво бо баҳонаҳои гуногун мехоҳад фикри мардумро аз камбудиҳои аслӣ, яъне аз сиёсати фосиди харобкори иқтисодии режим ба самти дигар равона намояд.
Ҷолиби таваҷҷӯҳ он аст, ки сатҳи баланди таваллудкунӣ дар аҳолии Тоҷикистон ба монанди дигар мардуми мусулмонон қисми маданияти он мебошад. Зеро, дини Ислом ба таваллудкунӣ тарғиб менамояд. Расули Худо (с) фармудааст:
تَزَوَّجُوا الْوَدُودَ الْوَلُودَ فَإِنِّى مُكَاثِرٌ بِكُمُ الأُمَمَ
«Ба занони дӯстдошта ва таваллудкунанда хонадорӣ намоед. Зеро, ман дар рӯзи Қиёмат аз дигар Умматҳо бо бисёрии Умматам фахр менамоям». (ривояти Абӯ Довуд)
