Эътирозҳои мусулмонони хуэй дар Хитой
Эътирозҳои мусулмонони хуэӣ дар ноҳияи Нинся-Хуэйи Хитой идома дорад. Эътирозҳои мазкур аз 3-уми август эътиборан пас аз огоҳ намудани диндорон аз ҷониби ҳукумати минтақа оиди барҳамдиҳии масҷиде, ки соли 2017 дар деҳоти Тонсини шаҳри Вэйжу бар ивази вайронаҳо сохта шудааст шурӯъ гардид. Барҳамдиҳии масҷид бинобар набудани санадҳои иҷозатӣ барои сохтмон муқаррар карда шудааст. Барҳамдиҳии масҷид санаи 10-уми август ба нақша гирифта шудааст, вале гирдиҳамоии садҳо мусулмонон дар атрофи девори масҷид ҳукуматро маҷбур намуд, ки корҳои оид ба барҳамдиҳӣ боз истад. Чи тавре ки South China Morning Post иттилоъ медиҳад, санаи 11 август пас аз эълони маъмурият оиди таваққуф намудани корҳои барҳамдиҳии масҷид, шумораи эътирозгарон коҳиш ёфт.
Садҳо мусулмонони Хуэӣ аз минтақаи ғарбии Нинся доир ба нақшаҳои ҳукумат оиди барҳамдиҳии масҷиди бузург намоиши эътирозӣ ташкил намуданд.
Масҷиди ҷомеӣ шаҳри Вейжу бо якчанд минораҳову қуббаҳо бо услуби шарқи наздик сохта шуда дар замони сохтумон чи тавре ки мансабдорони давлатӣ қайд намуданд аз хадамоти давлатӣ санадҳои лозимаро гирифта натавонист, иттилоъ медиҳад Channel News Asia.
Мусулмонони Хуэй ба кирдорҳои ҳукумат розӣ нестанд ва барои ташкил намудани намоиши эътирозӣ натарсиданд. Ҳарчанд барои ташкил намудани эътирозҳои зерин дар Хитой ҷазои сахт дода мешавад.
Ҳукумат ба сокинони ин минтақа таклиф намуданд, ки бинои масҷид қисман вогузошта мешавад бо шарте, ки қуббаҳои он ба услуби Хитоӣ карда шавад. Вале сокинони маҳаллӣ ба чунин шарт розӣ нашуданд.
«Агар мо онро имзо намоем, динфуруш хоҳем шуд», бо ғазаб мегӯяд яке сокинони Вейчжоу дар месенҷери WeChat.
Нобуд сохтани унсурҳои меъморие, ки бо услуби мусулмонӣ ва шарқӣ бунёд шудааст ин яке аз услубҳои сиёсати поймол намудани ҳуқуқи мусулмонон дар Хитой мебошад, ки дар навбати худ бо ваҳшигариҳои хитойиҳо дар минтақаи Туркистони Шарқӣ кардааш беназир мебошад. Таҳлилгарон мегӯянд, ки фарқи фишорорӣ ба мусулмонони ноҳияи мухтори Шинҷон-Уйғуристон ва дигар минтақаҳои мусулмоннишини Хитой дар он аст, ки ҳукумати Хитой мехоҳад дар минтақаи истилокардаи худ боқӣ бимонад, вале аз тарафи уйғурҳо нигоҳ доштани айнияти динӣ ва миллии худ ба мақсадҳои ҳукумати Хитой халал мерасонад.
