Дар Туркманистон ба Қонуни асосӣ тағйирот ворид карда мешавад

Хабаргузории давлатии Туркманистон ба анҷом расидани кор дар бораи лоиҳаи вориди тағйирот ба Сарқонуни Туркманистон, инчунин комиссияи конститутсионӣ оид ба таҳия ва синтези пешниҳодҳоро эълон кард. Дар бораи ба анҷом расидани кор ба президент Қурбонгулӣ Бердимуҳамедов дар ҷаласаи мустақим тариқи онлайн комиссия рӯзи 19-уми август хабар дода шуд.

Тағйироти асосӣ таъсиси парлумони дупалатагӣ дар кишвар бо номи Шӯрои Миллӣ мебошад. Нақши палатаи болоиро Халк Маслахати (Шӯрои мардумӣ) ва нақши поёниро Маҷлиси Миллӣ (парлумони ҳозира) иҷро мекунад. Бердимуҳамедов гуфт, ки сухан дар бораи «ба зинаи баландтар баровардани фаъолияти ниҳодҳои демократӣ меравад». «Дар Сарқонуни мо инсон ҳамчун арзиши олии ҷомеа ва давлат муайян карда шудааст. Муҳофизат, дастгирӣ ва хидматрасонӣ ба инсон вазифаҳои асосии мақомоти давлатӣ мебошанд», — иброз намуд ӯ.

Ёдрас бояд кард, ки вақтҳои охир туркманҳои чи дар хориҷа бошанд ва чи дар дохили Туркманистон изҳори норозигии худро аз сиёсати режими Бердимуҳамедов оғоз карданд. Кор то ҷое расид, ки мардуми кишвар варақаҳо ва плакатҳо бо аксҳои президент Қурбонгулӣ Бердимуҳамедов ва навиштаҷоти «Güm bol!»  («Даф шав!») ва «Ogry» («Ғоратгар»), инчунин дар қоғазҳои пулии гуногун навиштаҷотҳое бо номи «Марг ба Ҳаромхӯр», мардум бедор шуд» ва «Ҳаромхӯр, даф шав!» навишта шудаанд.

Ба гуфтаи сиёсатшиносон, дар пасманзари эътирозҳои оммавӣ дар Беларус, Бердимуҳамедов кӯшиш дорад ба мардум рушди демократия ва либерализмро дар ин кишвар нишон диҳад. Ёдрас бояд кард, ки дар Беларус беш аз ду ҳафта аст, ки тазоҳуроти эътирозӣ ва корпартоии коргарон бо талаби истеъфои президент Лукашенко идома доранд.