• Home »
  • Habarho »
  • Дар Иди Қурбон Ҳукумати Тоҷикистон рейдҳо мегузаронад

Дар Иди Қурбон Ҳукумати Тоҷикистон рейдҳо мегузаронад

Чи тавре ки «Азия-Плюс» менависад барои аз ҳад зиёд намудани ҳаҷми дастархон дар Иди Қурбон ба миқдори 5 ҳазор сомонӣ ё ин ки зиёда аз $500 доллар ҷарима муайян шудааст.

Дар рӯзҳои иди Қурбон кормандони Кумитаи оид ба корҳои дин танзими анъана ва ҷашну маросимҳо рейдҳо мегузаронанд. Айнан онҳо ҳаҷми дастархони идонаро муайян мекунанд.

«Дар чорчӯбаи рейдгузаронӣ дастархонҳои идона тафтиш карда мешавад, яъне то чӣ андоза мардум иди мазкурро ҷашн мекунанд», хабар дод котиби матбуотӣ Кумитаи оид ба корҳои дин Афшин Муқим.

Ба ақидаи ҳукумат, ҳаҷми мизи идона бояд 1,5х1 метр буда, дар он мева ва якчанд намуди зиёфати идона, аз ҷумла чағалдак ва орзуқ (маҳсулотҳои ордии одатӣ) ҳузур дошта бошад. «Меваҳои хушк низ иҷозат дода шудааст, вале на аз ҳад зиёд», қайд шудааст дар хабар.

Барои вайронкунандаи тартиби мазкур ба миқдори 5 ҳазор сомонӣ ҷарима баста мешавад.

Ёдрас мекунем, ки моҳи августи соли 2017 дар Тоҷикистон ба қонуни «Танзими анъана ва ҷашну маросимҳо» иловаҳо ворид шуда буд.

Бояд қайд намуд, ки Иди Қурбон яке аз ду иди бузургтарин дар Ислом ба ҳисоб меравад ва дар тӯли асрҳои сипаришуда мардуми Тоҷикистон, ҳамчун дигар мардумони мусулмон иди мазкурро бо тантана ҷашн гирифта, бо зиёфат гузарондани он бухл намеварзанд.

Мушоҳидон қайд мекунанд, ки мамнӯъият ва рейдҳои мазкур танҳо нисбати идҳои Исломӣ карда шуда, нисбати идҳои дунявӣ карда намешавад.