Гирдиҳамоӣ дар пойтахти Тоҷикистон

Дар Душанбе гирдиҳамоии навбатӣ ба вуқуъ пайваст, ин дафъа гирдиҳамоӣ дар назди бинои САҲА (ОБСЕ) санаи 3-уми октябр баргузор гардид.

Дар шаҳри Душанбе назди бинои сафоратхонаи САҲА 20 нафар ҷавонон бо талаби қатъи фаъолияти ташкилоти мазкур ҷамъ шуданд. Ба гуфтаи ҷамъомадагон, ташкилоти САҲА гурӯҳҳои террористиро, ки бар зидди ҳукумати Тоҷикистон фаъолият мебаранд дастгири менамояд. Яке аз иштирокчиёни гирдиҳамоӣ ба «Ахбор» нақл намуд, ки дар гирдиҳамоӣ 20 нафар иштирок намуданд ва аксарияти онҳо донишҷӯёни донишгоҳҳои гуногун мебошанд, ки бо якдигар вобастагӣ надоранд.

Каме пештар пеш аз баргузор гардидани конфронс дар Варшава, инчунин дар назди бинои сафоратхонаи САҲА гирдиҳамоӣ ташкил шуда буд, ки ҷамъшудагон аз намояндагони ташкилот талаб намуданд, ки намояндагони мухолифини тоҷикро, хусусан ҲНИТ ро ба конфронс роҳ надиҳанд. Инчунин ҷамъшудагон аз ҳукумат талаб намуданд, ки агар талаби онҳо амалигардонида нашавад фаъолияти САҲА қатъ гардонида шавад.

Мушоҳидон қайд мекунанд, ки дар ҳақиқат гирдиҳамоӣ охирин ва моқабл бо ташаббуси режими Раҳмон ҷавобан ба шикастхӯрии ҳайъати намояндагони худ дар конфронси ҳарсолаи ташкилоти САҲА амалигардонида шудааст. Ҷолиби таваҷҷӯҳ дар он аст, ки вактҳои охир режим гирдиҳамоиҳоро ҳамчун ташаббуси ҷавонони бошуури ватанпарвар нишон медиҳад. Ҳол он ки ба ҳамагон маълум аст, ки дар зери гирдиҳамоиҳо ва эътирозҳои мазкур ҳар вақт ташкилотҳои ҳукуматӣ, ба мисли ташкилоти ҷавонони «Авангард» меистад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.