«Ховар» Исломро асримиёна эълон кард

Оҷонсии иттилоотии миллӣ Тоҷикистон «Ховар» кампанияи бар зидди Ислом бо номи «Мо бар зидди мутаассибӣ ва экстремизм!» — ро шурӯъ намуд. Ба кампанияи мазкур арбобони шинохтаи илмӣ ба монанди ходими пешқадами илму фани Маркази тадқиқоти тамаддун ва минтақавӣ Академияи илмҳои Русия, доктори илмҳои таърих, профессор Раҳимбек Бобохонови дар шаҳри Маскав зист кунанда ҷалб карда мешавад. «Мутаассифона, экстремизм ва терроризм дар кишварҳои ҷаҳон, хусусан бо аҳолии мусулмоннишин табиати динӣ ва мутаассибӣ дорад», мегӯяд ӯ.

Нисбати чораҳое, ки аз ҷониби режими Раҳмон дар мубориза алайҳи «экстремизм» андешида мешавад Раҳимбек Бобохонов чунин мегӯяд: «Солҳои охир ҳукумати ҷумҳурӣ алайҳи таассуби динӣ, экстремизм ва терроризм муборизаи фаъол мебарад. Баъзе муваффақиятҳо дар муборизаи мазкур намоён аст. Фаъолияти исломи сиёсӣ маън карда шуд. Вале, ин кам мебошад. Хурофот ва шуури кӯҳнаи динӣ асосест, ки таассуби динӣ ва экстремизмро ривоҷ медиҳад. Дар ҷомеаи Тоҷикистон чунин зуҳурот вуҷуд дорад ва дар ҳаёти ҳаррӯзаи миллионҳо инсонҳо дар қаламрави кишвар нақши муҳим дорад.

«Ман хеле шодам, ки оҷонсии иттилоотӣ «Ховар» алайҳи мутаассибӣ ва экстремизм иқдоми бемуддатро эълон намуд. Умедворам, ки барои ҳар як соҳибақли тоҷик иқдоми мазкур барои мубориза алайҳи ҷаҳолатпарастӣ, қадриятҳои ба мо бегона, радикализм, хурофотпарастӣ, экстремизм ва терроризм кӯмак мекунад, — гуфт Бобохонов.

Хабарнигори «Хабарҳо» барои фаҳмидани фикри сокинони Тоҷикистон оиди ҳодисаҳои охирин бо баъзеи онҳо ҳамсӯҳбат шуд. Ба ақидаи онҳо, афзоиши шумораи инсонҳое, ки ба дини Ислом амал мекунанд ҳукумати кишварро ба ташвиш меорад, ки ба муносибати ин дар вохӯриҳои нақшагии хадамоти амнияти давлат бо имом-хатибон муаммои: «Чи тавр дар байни ҷавонон мусулмонони амалкунандагонро коҳиш диҳем, инчунин чи тавр дар байни ҷавонон шумораи масҷидравро коҳиш диҳем», зуд-зуд бардошта мешавад. Дар ин хусус бо шарти ниҳонӣ яке аз сокини Тоҷикистон, ки бевосита бо имом-хатибон дар тамос мебошад иттилоъ дод.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.