Ҳукумати Тоҷикистон якранга будани бомҳоро мехоҳад

Бомҳои биноҳо дар кишвар якранга бояд бошад. Дар ин хусус санаи 19-уми июл «Авесто» ба Кумитаи меъморӣ ва сохтмони назди ҳукумати Тоҷикистон такя намуда иттилоъ медиҳад.

Ба гуфтаи раиси Кумитаи оид ба меъморӣ ва сохтмони Тоҷикистон Ҷамшеди Аҳмадзода фармони мутобиқшуда ба кумита аз ҳукумати Тоҷикистон омадааст. Тибқи фармоиши мақомоти иҷроияи ҳокимият, бояд бомҳои манзилгоҳҳои истиқоматӣ ва биноҳои гуногун дар шаҳр ва ноҳияҳо ба якранг дароварда шавад.

Ҳамин тавр, дар шаҳр биноҳое, ки барои истифодабарӣ қабул мегарданд бояд ба ранги таъйин гардида дароварда шавад. Фармоиши мазкур биноҳои алҳол вуҷуд доштаро низ дар бар мегирад.

«Мо исрори онро надорем, ки мардум дарҳол бомҳои худро ба ранги муайян аз нав таҷзия намоянд. Ҳамаи ин бояд тадриҷан ба амал дароварда шавад. Мақсади дар нақша доштаи мо ин аст, ки ҳамаи бомҳо дар кишварамон якранг дошта буда, монанди кишварҳои аврупоӣ зебо гардад”, — мегӯяд Ҷамшед Аҳмадзода.

Инчунин, ӯ қайд намуд, ки фармоиши мазкур тамоми шаҳру ноҳияҳои кишварро дар бар мегирад.

Ёдрас бояд кард, ки Тоҷикистон қашшоқтарин кишвар дар Осиёи Марказӣ бо нишондоди пасти зиндагӣ буда, аксарияти аҳолияш дар сатҳи қашшоқӣ зиндагӣ ба сар мебаранд. Бинобар ин, фармоиши мазкури режим оиди «якранги зебои бомҳо» дар тамоми кишвар ин як кори ахмақона мебошад, ки дар асл барои режими Раҳмон ин навигарӣ нест.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.