• Home »
  • Habarho »
  • Дар Ӯзбекистон намоиш додани барномаҳои исломиро дар телевизионҳо манъ карданд

Дар Ӯзбекистон намоиш додани барномаҳои исломиро дар телевизионҳо манъ карданд

Телевизиони Ӯзбекистон намоиш додани якчанд барномаҳои исломиро манъ кард. Намояндагони ширкати телевизион ва радиои миллии Ӯзбекистон иброз намуданд:

«Дар телевизион танҳо намоиши барномаҳои даврӣ манъ карда шудааст».

Чи тавре ки радиои «Озодӣ» иттилоъ медиҳад аз 25 июн дар шабакаи «Маданият ва маърифат» намоиши 6 барномаҳои исломӣ манъ карда шудааст.

Хусусан, се ҳафта пеш намоиши барномаи «Омӯзиши Қуръони Карим», ки аз моҳи марти соли ҷорӣ ҳар ҳафта рӯзҳои чоршанбе намоиш дода мешуд манъ карда шудааст. Ғайр аз ин, аз видео-портали «Youtube» якчанд бахшҳои охири барномаи мазкур кӯр карда шудааст.

Дар мусоҳиба бо хабарнигорон корманди шабакаи «Маданият ва маърифат» хабар дод, ки ба роҳбарияти шабака аз «боло» фармон шудааст, ки барномаҳои диниро ба пахш набароранд, инчунин дар пахш диндоронро умуман намоиш надиҳанд.

«Озодӣ» ба корманди шабакаи «Маданият ва маърифат» номашро нахост ифшо намояд такя намуда менависад, «Дар мо намоиш додани барномаҳои динӣ манъ карда шудааст ва мардҳои ришдорро ба барнома роҳ намедиҳем. Минбаъд имомонро ба барнома роҳ намедиҳанд».

Ба ақидаи хабарнигорони маҳаллӣ фармони манъ кардани намоиши барномаҳои динӣ дар телевизион аз тарафи мушовири давлатии президент Хайриддин Султонов дода шудааст.

Инчунин, «Озодӣ» ба яке аз хабарнигори маҳаллӣ такя намуда иттилоъ медиҳад: «Дар наздики гурӯҳи хабарнигорони ӯзбек ба Чин сафар намуданд. Тими барномаи иттилоотӣ «Ахборот» ҳафт гузориш рои намудааст, аз он панҷтоашро ба пахш иҷозат надоданд. Зеро дар байни мусоҳиба додагон одамони ришдор ҳастанд. Айни замон дар телевизион, хусусан дар шабакаи «Ӯзбекистон-24» ва барномаи иттилоотии «Ахборот» сензураи сахт оиди намоиши шахсони ришдор мавҷуд мебошад».

Мушоҳидон қайд мекунанд, ки ҳарчанд режими Мирзиёев дар баъзе ҷиҳатҳои сиёсати дохилӣ нармиро нишон диҳад ҳам, ҳанӯз дар равиши сиёсати раисҷумҳури собиқ Каримов боқӣ мемонад, ки ҳамаи намуди зоҳиршавии исломро дар ҳаёти мардум сахт пешгирӣ менамуд.