Қирғизистон: гирдиҳамоӣ барои дифои паёмбар Муҳаммад
Дар якчанд шаҳрҳои Қирғизистон, сокинони кишвар ба таври оммавӣ алайҳи изҳороти президенти Фаронса Эммануэл Макрон дар робита ба рӯйдодҳои охир дар атрофи карикатураҳои таҳқиромези паёмбар Муҳаммад (саллаллоҳу алайҳи ва саллам) намоиши эътирозӣ ташкил намуданд.
Ҳамин тавр, рӯзи 1-уми ноябр сокинони Бишкек барои дифои шаъни паёмбар Муҳаммад ба гирдиҳамоӣ баромаданд. Дар байни иштирокчиёни гирдиҳамоӣ собиқ вакили Жогорку Кенеш Турсунбай Бакир уулу низ иштирок варзид, менависад Акипресс. Эътирозгарон дар даст навиштаҷотҳо доштанд.
Рӯзи 30-ми октябр чунин як тазоҳурот дар шаҳри Ҷалолобод низ баргузор шуд ва сокинони шаҳри Ош бошанд эътирози худро дар акси Макрон бо изи пойафзол дар гузаргоҳи пиёдагард часпонданд.
Дар сегменти сомонаҳои иҷтимоии қирғиз якчанд видеонавор аз гузориши гирдиҳамоиҳо нашр шудааст.
Инчунин 2-уми ноябр дар шаҳри Қара-Суу гирдиҳамоиҳо баргузор шуданд, видеонавори дахлдор дар шабакаи иҷтимоии Фейсбук нашр шуд. Дар видеонавор дида мешавад, ки тақрибан ҳазор нафар бо навиштаҷотҳо қадам зада шиорҳои исломӣ мехонанд.
