Тоҷикистон: хешовандони Муфтӣ барои иштирок дар Ихвонул муслимин маҳкум шудаанд

Тоҷикистон: хешовандони Муфтӣ барои иштирок дар Ихвонул муслимин маҳкум шудаанд

Додгоҳи вилояти Хатлон рӯзи 8-уми июн ҷияни Муфтии Тоҷикистон, имом-хатиби масҷиди ноҳияи Восеъ Муҳаммадсаид Акрамов ва хешовандони ӯро дар иштироки ҳаракати исломии «Ихвонул муслимин» айбдор кард, менависад сомонаи Ахбор.com. Имом Хатиб ва се бародари ӯ ҳукми шартӣ гирифтанд ва дар толори додгоҳ озод карда шуданд.  10 нафари дигар, аз ҷумла писар, домод ва ҷияни Акрамов, бо адои ҷазо дар колонияҳои ислоҳӣ ба мӯҳлати аз панҷ то ҳафт сол маҳкум шудаанд. Раиси Шӯрои уламои Маркази исломии Тоҷикистон Саидмукаррам Абдуқодирзода аз шарҳи ин мавзӯ худдорӣ кард.

Ёдрас мекунем, ки Муҳаммадсаид Акрамов ва наздикони ӯ дар аввали сол  аз ҷониби мақомоти ҳифзи ҳуқуқи вилояти Хатлон боздошт шуда буданд.

Тибқи гуфтаҳои яке аз хешовандони имом-хатиби масҷиди ҷомеъи ноҳияи Восеъ, Муҳаммадсаид Акрамов ва чанд фарзандаш дар гузашта дар донишгоҳҳои исломии Миср таҳсил мекарданд ва бо дархости мақомот соли 2014 ба ватанашон баргаштанд. Яке аз маҳкумшудагон, Абдулазиз Акрамов, писари Имом Хатиб, зуд-зуд дар шабакаи телевизионии маҳаллӣ «Мавҷи Озод» дар бораи мубориза алайҳи гӯён «терроризм» баромад мекард.

Ҳамсӯҳбати «Хабарҳо» Домулло Шокирхон аз шаҳри Душанбе қарори додгоҳро чунин шарҳ дод: «Ин гуна ҳукмҳо дар чорчӯбаи мубориза бо Ислом аз ҷониби режими  дунявӣ кунунии кишвар бароварда мешавад ва ҳатто имом-хатибони расмиро низ сарфи назар намекунанд, новобаста аз он ки имомҳои мазкур чанд вақт аст ки ба ин режим хизмат кардаанд. Дар ҳолати мазкур, баъзе маҳкумшудагон қабл аз ҳабс шуданашон имом-хатибӣ мекарданд ва кӯшиш мекарданд, ки аз доираи гӯён «Исломи мӯътадил», ки ҳукумат муқаррар кардааст, берун набароянд, аммо ин ҳам онҳоро наҷот дода натавонист. Ҳатто садоқати муфтӣ ба режим хешовандони наздики ӯро аз маҳбасшавӣ наҷот дода натавонист, гарчанде ки Саидмукаррам Абдулқодирзода тӯли солҳои дароз аст ки ин хизматро идома дода, қасдан фатвоҳои зидди Ислом мебарорад».

«Ҳамаи имомон бояд дарк кунанд, ки ба режими авторитарии зиддиисломӣ хизмат карда, бар зиёни мусулмонон, ҳақро пинҳон карда, аз нуқтаи назари Ислом қонунӣ бахшидан ба қарорҳои ин режим, бо ин худро ва аҳли хонаводаашонро дар амният нигоҳ дошта наметавонанд», — гуфт домулло.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.