Иззат Амон: Ҳуқуқҳои худро талаб намоед!
Ба ақидаи ҳимоятгари ҳуқуқи машҳури тоҷик Иззат Амон, Эмомалӣ Раҳмон дар замони ҳукмронии худ дар ҳокимият режими ҳақиқии ҳукмравоӣ бунёд намудааст, ки дар натиҷаи он поймолшавии ҳуқуқи сокинони кишвар ба як ҳолати оддӣ табдил ёфтааст.
«Пас аз 30 соли ҳукмронии Раҳмон вазъият оиди ҳуқуқҳои инсон равшан аст. Дар кишвар ягон нашрияи мустақил вуҷуд надорад, аксарияти фаъолон ва журналистони мустақил маҷбур шуданд кишварро тарк намоянд. Зеро, дар Тоҷикистон барои онҳо амният вуҷуд надорад, инчунин ба назди хешовандон ва наздикони фаъолон ва журналистон кормандони мақомоти ҳифзи ҳуқуқ ва хадамоти махсус мунтазам бо таҳдид хабар мегиранд», — иброз намуд ҳимоятгари ҳуқуқи маъруф ба хабарнигори Хабарҳо.
Инчунин, ҳимоятгари ҳуқуқ аз сокинони Тоҷикистон даъват намуд, ки ба ҳодисаҳои дар дохили кишвар шуда истода беэътино набошанд.
«Мехоҳам мардуми Тоҷикистон бедор шавад ва дарк намояд, ки дар асл дар Тоҷикистон чи шуда истодааст. Муҳим он аст, ки мардум талаб намудани ҳуқуқҳои худро ёд бигирад, зеро ҳуқуқҳои онҳо дар тамоми ҷо поймол мешавад. Аммо мардуми мо метарсад, сухани ҳақро намегӯяд ва ҳуқуқҳои худро талаб намекунад, барои ҳамин ҳам аҳволи мо чунин аст. Айнан ҳаминро ба мардуми мо маслиҳат кардани ҳастам», — гуфт Иззат Амон.
